Krihfabu Biakamnak

Pakhat le pakhat unau chuakkhat bantukin kan i daw lai i, thlacamnak in pakhat le pa khat kan i bawn lai Cun harnak le zatfahnak kan ton tiak ah kan i bawm lai, kan i zohkhenh lai i kan thilrit kan i chawng lai. Ngaihchiatnak le lunglawmhnak kan i hrawmi lai. Mi cungah zaangfahnak thinlung kan ngei lai i, kan i hmuhton tikah bianem chim kan i zuam lai, nahchuahnak le a ha lomi lungput ngei loin kan Bawipa Jesuh nih a kan cawnpiakning bantuk in lungsaunak he dawtnak le remnak tuah kan i zuamlai.

Zarhpini fate Pathian biakinn pumhnak ah hrelh lo tein kan kal lai i Thawng ha ngaihnak le pakhat le pakhat i hawikomhnak kan ngei lai Pastorte le hruaitu upa hna cawnpiaknak le hruainak kha zulh kan i zuam lai i, an khua-khaan ning bantukin hmunkhatte ah Bawipa Zanriah kan hmang i lai. Cun Khrihfabu nih an hrihmi Pathian biaknak dangdang zongah tel kan i zuam lai

Krihfabu chungtel pakhatkhat nih Pathian bia kha zeirel loin sualpalhnak a tuah ah cun zoh sawhsawh loin dawtnak le zaangfahnak thinlung he cawnpiak he chimhhrin kan i zuam lai. Pakhat le pakhat zawnruahnak thinlung in i zohkhenh le i dirkamh kan i zuam lai. Kan Bawipa Jesuh cawnpiakning bantukin, a dingmi ziaza, zoh a dawhmi tuahsernak, a thiangmi lungput, midang zawn ruahnak lungthin le duh a nungmi nunning vialte kha ngeih kan i zuam lai.

Aa ruangin: Hi a cunglei bia bantukin tlamtling tein zulh kan i zuam lai tiah Pathian le Krihfabu zapi hmai ah bia kan i kam.