BAHAN SERMON PARHALADO RESORT HELVETIA

EPISTEL MINGGU II DG TRINITATIS, 18 JUNI 2023

EP: JAKOBUS 2 : 14 – 17
MARSIHOHOT MANGULAHON HATA NI DEBATA

Surat Jakobus termasuk do na ginoaran surat-surat am (umum) siala surat

on ndada ditujuhon tu sasahalak manang bersifat lokal alai ditujuhon tu sude halak
Kristen dohot na adong di luat parserahan (diaspora). Molo tasigati isi ni surat
Jakobus on, tarida do disi taringot tu pangalaho (parulaon) ni halak Kristen. Jala
adong do 54 hali tarida hata parenta (surusuru) taringot tu na mangulahon. Surat on
ditongos laho pasingothon halak Kristen na holan umboto patik-patik dohot aturan-
aturan ni ha-Kristenon, hape ndang diulahon di parngoluonna siganup ari. Boi
dohonon, halak Kristen sigodang hata do nasida, alai kenyataan na asing, huhut
laho mamodai huria si sampulu dua marga na di parserahan i. Ala di hatiha i, huria-
huria na adong di hutahuta na metmet tubu angka parsalisian, angka na
paburnangburnang dirina (3: 4-12), dipatudos nasida do dirina dohot portibi on (4:4),
godang do ruas ni huria i halak na pogos (1:9-11; 2:5).
Sada hasadaon na so boi tarsirang do haporseaon dohot pangulaon. Molo dihata
Gorik hata haporseaon ima Πίστις pistis namarlapatan haporseaon (faith, believe,
trust), posniroha (confidence), hasatiaon (fidelity, faithfulness), jaminan (assurance).
Jala hata pangulaan ima έργον ergon na marlapatan karejo (work), tugas (task),
tindakan (action), pambahenan (a deed), usaha (labor). Disulingkiti tupuk on do,
tardok pistis (haporseaon) songon dia ma ia pistis i dang tarida ergonna (parulaan),
tarbahen haporseaon ma lao paluahon? Sada sungkun-sungkun sian apostel
Jakobus tu huria sampuludua marga na adong di parserahan i. Unang
dipangasahon haporseaonna boi paluahon dirina sian ari uhum sogot, molo holan di
hata do ibana mandok na porsea. Di patudos si Jakobus ma i songon : Sahalak
jolma na marsaemara jala hurangan sipanganon siapari, alai holan hata sambing ma
ro sian halak na mandok dirina halak porsea mandok tu nasida : Lao ma hamu
mardamedame, las ma roha muna, bosuron ma hamu, alai dang adong nilehon
anggo aha na ringkot didagingna, aha ma guna hata i (ay 15-16)? Halak na porsea
mangihuthon turpuk on ima angka halak na mangulahon ulaonna nionjar ni
panandaon na tangkas di Jesus Kristus. Jala sian pangulaonna i do tandaon ni halak
molo Kristus di bagasan ibana jala ibana di bagasan Kristus. Haporseaon na so
adong pangulaonna ima haporseaon naung mate (ayat17). Sian parbue ni
haporseaon manang sian angka ulaon na denggan i ma nian tandaonni halak, molo
angka na porsea do hita.
Inti pokok pamaritahonon ni si Jakobus di suratna on ima pangulaon.
Tumangkas mai didok ibana di ayat 26 i, “Ai songon daging i na mate anggo so
martondi, songoni do mate haporseaon na so marulaon.” (Sebab seperti tubuh
tanpa roh adalah mati, demikian jugalah iman tanpa perbuatan-perbuatan
adalah mati). Dipartudos haporseaon na so marniula i tu daging tanpa roh. Daging
na so martondi. Songon dia ma daging na so martondi? Ba na mate ma i. Ai asa
mate didok sasahalak, na so adong be tondina manang na so marhosa be. Ima na
mate. Laos songoni ma digombarhon haporseaonta i. Na mate do haporseaon molo
so marulaon. Alani, haporseaon dang sukkup holan dipengakuan manang
dipanghatindanghonon. Dang boi holan di pamangan mandok: Au porsea! Dang boi
holan di pandohan manang holan di hata. Alai ingkon sahat do tu pambahenan
manang pangulaon. Ido haporseaon na tutu. Nda godang do holan di hata? Holan di
pamangan? Anggo hatana mandok: Tung so huloas ho ito diago arsak, tung so
huloas ho ito sai tumatangis. Asa rap mekkel hita nadua…! Hape ibana do na
jotjot patangistangishon. Hape ibana do na jotjot mangarsahi. Nda mura do mandok:
Olo! Nda mura do mandok: Na olo do ahu! Ndang pola pintor marpurapura
pamangan mandok i ate? Alai boha do di pambahenan? Sarupa do
pangundukhononna di hata i tu pambahenanna? Unang be antong masa songon
nidok ni jolma i: No action, talk only. Lapatanna, holan hata. Hurang lobi songoni
ma nuaeng na pinamanat ni si Jakobus di bagasan turpuk on. Didok ibana asa
unang ma holan porsea hita manang holan pananginangi sambing na porsea di hata
ni Tuhan na binegenai. Alai naeng ma nian gabe siulahon Hata i.
Tumangkas ma tajaha didok di Jak 1: 22 “Alai gabe siulahon Hata i ma hamu, unang
holan pananginangi, angka na paotootohon dirina!” (Tetapi hendaklah kamu menjadi
pelaku firman dan bukan hanya pendengar saja; sebab jika tidak demikian kamu
menipu diri sendiri). Menjadi pendengar firman yang baik, berarti juga harus menjadi
pelaku firman yang baik. Jala taingot na nidok ni Jesus i, “Bukan setiap orang
yang berseru kepadaKu: Tuhan, Tuhan! Akan masuk ke dalam kerajaan sorga,
melainkan dia yang melakukan kehendak BapaKu yang di sorga” (Mat 7:21).
Ndada saluhut Halak, na mandok Ahu Tuhanna, bongot sogot tu harajaon
banua ginjang I, holan angka na mangulahon lomo ni roha ni Damang na di
banua ginjang I do! Hata ni Debata na tabege siganup minggu I, unang ma nian
songon na maniram aek tu ginjang (seperti penyiram air ke atas) – basah sebentar
lalu hilang tanpa bekas. Tetapi, setiap pribadi yang telah mendegar firman dalam
kebaktian, akan melakukannya dalam hidup dan membawa perubahan di dalam
hidupnya sehari-hari.
Hombar tu topik minggunta, “Marsihohot mangulahon hata ni Debata”. Sada
ondolan na mansai tangkas ima taringot tu parsihohoton, sada tudutudu ni halak na
marhaporseaon ima parsihohotonna laho mangulahon na hinaporseaanna. Setia, so
mubauba, aha pe na masa dingoluna ndang muba hasationna tu Debata. Amen

Acara Partangiangan:
1. BE. 4 : 1 - 2 4. BE. 789 : 1 - 2
2. Votum: A.XV.2 – D.XIII.38 5. BE. 672 : 1
3. BE. 30 : 1 – 2 6. BE. 724 : 1 - 2