Frues Rutfoat

San José
1 Petrus 3:1-7
Jedanken äwa disen Bibeltajkst
En dän vondäoschen Bibeltajkst woa wie äwa de woare Schmockheit/Straum-sennen
nodenkjen: dee waut ennalich es.

De Varzhen 1-2 halpen ons to seenen, waut de Krauft von de ennaliche Schmockheit
es: daut daut Straum-sennen von Unjadonn-sennen omjäaft es, un de Faul hia es daut
von eene Frü de met eenen Maun befriet es, de onjleebich es. Saul see am unjadonn
sennen? Jo, un nich bloos am unjadonn sennen, sonda see saul uk vesieekjen, am
derch äa Unjadon-sennen fa Christus to jewennen. Eene Eehefrü met ennaliche
Schmockheit brukt nich Wieed, om äaren Eehemaun to äwaräden, sonda see haft
daut needich, eenen reinen, aunständjen un respakjtvollen Waundel to eewen.

De Varzhen 3-4 wiesen ons dän Wieet von daut ennaliche Straum-sennen: wan de
Jeist frindlich (leewens-wirdich, unjadon, schmock) un fräadlich es, brukt see kjeen
bütalichen Schmuck, un doatoo es see uk noch von groota Wieet-schatzunk fer Gott.

Un aus Latztet wiesen ons de Varzhen 5-6 daut Biespell von ennaliche Schmockheit.
Wie seenen daut Biespell von heilje Frües üt de Vegangenheit soo aus Sara, dee äaren
Eehemaun Respakjt jeef un am unjadonn wia.

En Varsch 7 es daut Jeheimnis von een Maun met ennalichet Straum-sennen: dee, de
siene Eehefrü Iea jeft, wiels hee daut vesteit, daut see Met-oaw es aun de Jnod von
daut Läwen. Opp disen Wajch woaren siene Jebäda kjeen Hindaniss haben.

Läw dit üt!

Best dü too seeja besorjcht/jewurecht äwa daut bütaliche Straum-
sennen/Schmockheit, dien ieejnet ooda von de aundre?
Deist dü die om diene ennaliche Schmockheit kjemmren?
Woo woascht dü daut doonen?