Sangkagimongan - December

#####################################################################################
SANGKAGIMONGAN
A PANAGLUALO
Sunday Liturgy In the Absence of a Priest
####################################################################################
####################################################################################
DECIEMBRE 2023 — TAWEN B
Umuna a Domingo ti Adviento
(Deciembre 3, 2023)……………………………………………..............................................................p. 2
Maikadua A Domingo ti Adviento
(Deciembre 10, 2023)…………………………………………............................................................... p. 7
Maikatlo a Domingo ti Adviento
(Deciembre 17, 2023)………………………………………………..................................................... p. 13
Maikapat a Domingo ti Adviento
(Deciembre 24, 2023)…………………………….……………............................................................ p. 19
Solemnidad ti Pannakaiyanak ti Apo (Rambak iti Rabii)

(Deciembre 24, 2023)………………………………………………………………………................. p. 24
Solemnidad ti Pannakayanak ti Apo (Rambak iti Aldaw)

(Deciembre 25, 2023)……………………………………………...…................................................. p. 30
Ti Sagrada Pamilia da Jesus, Maria ken Jose
(Deciembre 31, 2023)………………………………………………………………………................. p. 37
N.B.
Daytoy baro nga urnos ken kararag a nausar iti daytoy a prayer service booklet ket naitulad
manipud iti Sunday Assembly without a Priest nga insingasing ti Episcopal Commission on Liturgy
idi Enero 2001 ket inannamungan ti Catholic Bishops’Conference of the Philippines ti Plenary
Assembly da idi Enero 26, 2001.
COMMISSION ON LITURGY
DIOCESE OF BAGUIO
1
##################################################################################
UMUNA A DOMINGO TI ADVIENTO
TAWEN B
Deciembre 3, 2023
#############################################################################
Tema: AGRIDAMKAYO TI YAAY TI APO!
I. RITO TI PANAGSAGANA
PAKAUNA:
(No naurnongen ti gimong, mairugi ti panaglualo babaen iti maiyannatup a panglukat a
kanta)
Mangidaulo: Iti nagan ti Ama, ken ti Anak, ken ti Espiritu Santo. Amen. Kas maymaysa a
gimong, intay rambakan ti umuna a Domingo ti Adviento. Para kadatayo a Kristiano, ti
panawen ti Adviento ket tiempo a panagsagana iti iyuumay ni Apo Jesus.
M: Tapno maikaritayo a makiranud iti daytoy a sangkagimongan a panaglualo bigbigentayo

koma dagiti nagkurangantayo ti Apo ken kadagiti kakabsattayo.
M: Sika a naibaun tapno paimbagem dagiti puso nga agbabawi: Apo, kaasiannakami…
G: Apo, kaasiannakami.
M: Sika nga immay tapno ayabam dagiti managbasol: Cristo, kaasiannakami…
G: Cristo, kaasiannakami.
M: Sika a situtugaw iti makannawan ti Ama tapno ibabaetnakami: Apo, kaasiannakami…
M: Apo, kaasiannakami ket pakawanem dagiti basbasolmi. Ipakitam ti dayagmo ket iturong
nakami iti biag nga agnanayon. Amen.
KARARAG A PANGLUKAT:
Dawatenmi Kenka, O mannakabalin a Dios, ta ipaaymo kad kadagiti mamati Kenka ti umisu a
panagnakem, tapno sabtenda ni Cristo, babaen dagiti nainsingpetan nga aramid, iti kasta
maikaridanto a makipagtagikua iti nailangitan a pagarianna. Gapu ken Apomi a JesuCristo nga
Anakmo ket Dios, Isu a makipagbiag ken makipagari Kenka, ken ti Espiritu Santo, iti agnanayon
nga awan ti inggana. Amen.
II. LITURHIA TI SAO TI DIOS
UMUNA A MAIBASA Is 63:16-17;64:1, 3-8
Agbasa: Daytoy maibasa naadaw iti libro ni profeta Isaias
Sika, O Apo, ti Amami. Sika ti nangis-ispal kadakami. Apay nga ipalubosmo nga
agsukirkami ket tallikudandaka? Agsublika, ipagpagapum kadagiti agserbi kenka, ipagpagapum
kadagiti tattao a kukuam. Apay a dimo ray-aben ti langit ket bumabaka? Immayka idi ket
nangaramidka kadagiti nakabutbuteng a banag a dimi ninamnama nga aramidem; nakitadaka
dagiti bantay ket nagkintayegda iti buteng. Awan pay ti nakakita wenno nakadamag
2
iti Dios a kas kenka. Dios nga agaramid kadagiti kakasta a banag kadagiti agtalek Kenkuana.
Siaayat nga umawat kadagiti agrag-o nga agaramid iti naimbag, kadagiti makalagip nga agbiag
kas mayannurot iti pagayatam. Kinapungtotnakami, ngem intultuloymi ti nagbasol. Uray no
kasta unay ti pungtotmo kadakami, dikam nagsardeng a nangaramid iti dakes manipud ununana.
Managbasolkami amin; uray dagiti kasayaatan nga aramidmi mayarigda iti narugit a nisnis.
Gapu kadagiti basolmi, mayarigkami iti nagango a bulong a mayang-angin. Awan ti agkararag
kenka; awan ti umawag ti tulongmo. Inlemmengannakami ket binaybayannakami gapu kadagiti
basolmi. Ngem sika, O Apo ti Amami. Mayarigkami iti dadamilien ket mayarigka met iti
agdamdamili.
Ti Sao ti Apo.
SALMO RESPONSORIO: Sal 80: 1-2, 14-15, 17-18
Sungbat: ISUBLINAKAMI KADI, O DIOS. IPAAYMO TI AYATMO KADAKAMI KET

MAISALAKANKAMTO.
1. Ipangagnakami kadi, O Pastor ti Israel. Sika a situtugaw iti tronom iti rabaw dagiti kerubim.
Ipakitam kadi ti pigsam kadakami; umaynakami kadi isalakan. (S)
2. Kaasiannakami, O Mannakabalin-amin a Dios. Tannawagannakami manipud langit ket

umaymo salakniban toy kaubasam. Umaymo ispalen daytoy ubas nga immulam, daytoy
naganus nga ubas a pinapigsam. (S)
3. Ngem salaknibam dagiti tattao a pinilim, aywanam ti nasion a pinapigsam. Biagennakami

koma ket agdaydayawkamto kenka, uray kaanoman, didakanto panawan. (S)
MAIKADUA A MAIBASA: 1 Corinto 1:3-9
Agbasa: Daytoy a maibasa naadaw iti umuna a surat ni San Pablo kadagiti taga-Corinto
Sapay koma ta parabur ken talna ti ited kadakayo ti Dios nga Amatayo, kasta met ni Apo Jesu-
Cristo. Dakayo ti pakaigapuan ti kankanayon a panagyamanko iti Diosko gapu iti parabur nga
itedna kadakayo babaen ken Cristo Jesus. Ta iti pannakipagmaymaysayo ken ni Cristo, naited
kadakayo iti amin a naespirituan a kinabaknang agraman parabur ti panagsao ken kinasirib.
Naipasagepsepen kadakayo ti mensahe maipapan ken Cristo, isut gapuna a dikay nagkurang iti
naespirituan a sagut bayat ti panagurayyo iti pannakaiparangarang ni Apotayo a Jesu-Cristo.
Pagtalinaedennakayo a sititibker agingga iti panungpalan tapno awan ti pakaukomanyo inton
dumteng ti Aldaw ni Apotayo a Jesu-Cristo. Mapagtalkan ti Dios a nangpili kadakayo a
makikadua iti Anakna, ni Jesu-Cristo nga Apotayo.
Ti Sao ti Apo.
ALLELUIA (Sal 85:7)
Alleluia! Alleluia!
Iparangmo kadi kadakami ti di agbalbaliw nga ayatmo,
O Apo, ket isalakannakami.
Alleluia!
EBANGHELIO: Marcos 13:33-37
Agbasa: Ti sumaganad a maibasa naadaw iti nasantoan nga Ebanghelio a kas insurat ni San
Marcos.
3
Kinuna ni Jesus kadagiti adalanna: “Agannadkayo; agsaganakayo; ta diyo ammo no kaano dayta
a tiempo. Mayarig daytoy ti maysa a tao nga agbiahe iti adayo a lugar ket italekna ti balayna
kadagiti adipenna. Maikkan ti tunggal maysa iti pagrebbengan. Bilinenna nga agridam ti
agaywan iti ruangan. Daytoy ti gapuna nga agsaganakayo, ta diyo ammo no kaano ti isasangpet
ti akimbalay: mabalin nga iti sardam wenno iti tengnga ti rabii wenno iti parbangon wenno iti
agsapa. Wen, agsaganakayo amangan no sumangpet a kellaat ket madanonnakayo a matmaturog.
Ti ibagak kadakayo, isaok met kadagiti amin a tattao: Agsaganakayo!”
Ti Ebanghelio ti Apo.
PAGPAMPANUNOTAN
Panawen ti Adviento! Umuna a Domingo iti baro a kalendaryoKatoliko. Ti Adviento ket

isu ti pangrugian ti baro manen a siglo B ti Kalendaryo-Liturhiko (cycle B of the Liturgical Year)
iti Simbaan tayo. Intay manen mangegan dagiti kantanta iti simbaan tayo a mangpasungad
wenno addaan ti rikna iti iliw, panagpadaan, panangpasungad wenno pangayab ken
panangpasangbay! Panawen ti panagsagsagana! Daytoy nga panawen iti panagrugi iti
Kalendaryo ti Simbaan tayo - rambak nga intay obserbaren wenno aramiden iti las-ud iti uppat a
domingo kas ngarud ipakita kadatayo ti uppat a kandela iti Advent Wreath tayo.
Ti sao nga Advent ket nagtaud iti lenguahe nga Latin nga Adventus a ti kayatna saoen
“Coming,” “arrival” wenno isasangbay. Daytoy a rambak ket mainaig iti iyuumay ni Apo Jesus
a mangisalakantayo a kas maysa a maladaga. Ti simbaan tayo addaan man ti tallo a klase ti
iyuumay nga intay pagpampanunotan a kas pasurot ni Apo Jesus. Umuna unay, ti
pannakaiyanakna (first coming) nga isu ti intay sagsaganaan iti panawen ti Adviento ken
rambakan inton Paskua ti Pannakaiyanak ti Namarsua. Isu ti kunatayo a Christmas! Maikadua,
isu ti iyuumayna iti inaldaw a panagbiag tayo (coming in mystery) babaen kadagiti nagduduma a
kapadasan tayo ken nangnangruna unay iti Nasantoan a Eukaristia (Misa) ken dagiti dadduma
pay a sakramento. Maikatlo ket isu ti panagsublinanto inton kamaudianan a tiempo (second
coming) wenno Parousia.
Ipalagip manen kadatayo daytoy panawen ti Adviento iti intay panagsagsagana ta

umadanin ti Paskua nga tagtagi-uray ti amin. Ania kadi ti intay isagana? Siempre ti panagdalus ti
balay tayo sakbay tayo nga arkusan wenno dekoraran kadagiti aggilap-gilap nga dekorasyon ken
iddep-segged nga silsilaw. Ngem kakabsat ti kangrunaan koma nga intayo dalusan, isagana ken
arkusan ket ti kararua ken panagbiag tayo –ti puso tayo! Ti koma kanayon nga adda iti
pannunnot ken biag tayo bayat ti panangsagana ket saan laeng koma nga ti “external”- dagiti
makita iti ruar wenno aglawlaw tayo no di ketdi dagitoy tallo a panangsagana ti tarigagayan tayo
(Christ’s first coming at Christmas; coming in mystery through the Eucharist and Sacraments
ken ti Parousia wenno Second coming at the end-time). Ket kas iyaw-awis ti Simbaan kasapulan
nga intay isagana ti puso, bagi ken panunot tayo para iti panangawat tayo ken Apo Jesus. Ket iti
daytoy a panagur-uray tayo palagipan natayo manen ti Ebanghelio ken dagiti panawen
(Liturgical seasons) a kasapulan ti panangsagana ken panagridamtayo ta saan tayo nga ammo no
kaano dayta a tiempo nga iyuumay ti Apo. Kas kuna ni Apo Jesus, Maiyarig daytoy ti maysa a
tao nga agbiahe iti adayo a lugar ket italekna ti balayna kadagiti adipenna. Maikkan ti tunggal
maysa iti pagrebbengan. Bilinenna nga agridam ti agaywan iti ruangan. Daytoy ti gapuna nga
agsaganakayo, ta diyo ammo no kaano ti isasangpet ti akimbalay: mabalin nga iti sardam
wenno iti tengnga ti rabii wenno iti parbangon wenno iti agsapa. Wen, agsaganakayo amangan
no sumangpet a kellaat ket
4
madanonnakayo a matmaturog. ... Agsaganakayo!”
No maipanggep iti First Coming ni Apo JesuCristo ket manipud iti daydi immuna nga
iyaayna nga intay sagsaganaan iti daytoy a panawen ti Adviento nga isu ti ipapasngay na iti
Paskua wenno Christmas (a kas terminilohia a nakiruaman ti amin) ken ti inaldaw nga
iyuumayna iti panagbiag tayo babaen kadagiti inaldaw nga kapadasan tayo. Ti kaaddana iti
tunggal maysa kadatayo, ken kangrunaan na unay kadagiti Sakramento nga selselebraran ken
aw-awatentayo manipud iti Simbaan ken ti napennek nga intay pannakilangen Kenkuana babaen
iti Eukaristia. Mabalin a makuna tayo nga ammo tayon dagitoy, ngem daytoy Second Coming;
nalabit nga daytoy koma ti rumbeng ngarud intay saganaan babaen iti intay panangibiag ken iti
nainget nga panangselebrar iti daytoy umuna nga iyaayna ken ti inaldawaldaw nga
pannakilangen na kadatayo babaen ngarud kadagiti panagkararagtayo, panagserbi iti pada a tao
ken iti panangpabileg iti ayat ken relasyon tayo Kenkuana. Dagitoy koma iti mangiturong ken
mangidalan kadatayo tapno makapagsagana tayo iti maikadwa nga iyuumay na ket agridamtayo
koma. Maisagana tayo ti biag tayo ket agbalin nga napnuan kaipapanan ken nabunga a naballigi.
Dagitoy koma iti mangted namnama, ragsak ken gagar tayo a mangiga-ed ken mangikagumaan
nga agbiag iti kinaimbag ken kinapudno uray iti baet dagiti pagkapsutan, pagbiddutan, pannubok
ken dagiti naduma-duma nga saan a nasayaat a kapadasan iti biag. Ti panagrambak tayo koma iti
Paskua iti Pannakiyanak ni Apo Jesus ken kadagiti pay naduma-duma a naKristianoan a
ramrambak ket isu dagitoy ti agserbi nga inspirasyon tayo a mangipennek nga ibiag ti awis ti
Simbaan nga panangpasingked ti awis ken karit iti pammati tayo.
Dagiti ngarud nangegan tayo a naibasa ita nga Umuna a Domingo ti Adviento ket maipanggep ti
awag tayo nga agalisto ken agridam kabayatan iti panaguray tayo iti iyaay ni Apo Jesus. Iti
umuna na naibasa sinarita na ti kinatibker ni Profeta Isaias nga kalaksidan iti kinasukir ken
kinamanagbasol ti tattao ket in-gunam-guman na ti panagsagana da. Ket iti met Salmo, isu iti
panagdawat ti ayat ken kaasi ti Dios. Palubusan tayo ngarud koma ti Apo ti mangbukel iti
pampanunot, puso, nakem ken iti sibubukel a kinatao tayo. Mapasamak laeng daytoy no
makikaysa tayo ken Apo Jesus babaen iti pannakikaysa ken pannakipaset tayo iti Bagina, ti
Simbaan a dinotokan na a mangituloy iti misyon na. Ket iti met maikadua a naibasa ket isu met
iti intay koma panagtalinaed a natibker ken natured a disipulos ti Apo. Kas kinuna ni San Pablo
iti maikadua a maibasa: ti pannakipagmaymaysayo ken ni Cristo, naited kadakayo iti amin a
naespirituan a kinabaknang agraman parabur ti panagsao ken kinasirib.
Sapay koma ngarud ta iti daytoy panangrugi tayo iti rambak ti Adviento, agtalinaed tayo koma
amin a natibker agingga iti panungpalan tapno nadalus ken sisasagana ti puso ken biag tayo.
Intay ngarud itultuloy a pabilgen ti relasyon tayo iti Apo tapno kas kuna ni San Pablo: awanto ti
pakaukoman tayo inton dumteng ti Aldaw ti Apo. Bendisyonannatayo koma ngarud ti Apo ti
daytoy panagsagsagana ken panagpasungad tayo. Sapay koma ta kasta.
PANANGIPADUYAKYAK TI PAMATI (Nicene Creed)
MAMATIAK ITI MAYMAYSA A DIOS…
KARARAG A SAPASAP:
Kumararagtayo iti Apotayo a Dios tapno kanayontayo a siriridam iti yaayna ken tapno
ipaayna ti pannkaisalakan ti lubongtayo, ket kunatayo:
UMAYKA APO, KET ISPALENNAKAMI.
1. Apo, pabaknangem ti Simbaanmo ti naan-anay a kaasi ken ayat, tapno
5
maipatuldona ti dalan kadagiti agsapul Kenka, sumrek ti kaasina kadagiti managbasol, ken Isu
ti taklin, sarikedked ken salaknibmi a tattaom. Dawatenmi kenka, Apo. (S)
2. Apo, ipasnekmo kadagiti agtuturaymi ti kinasiribmo, tapno iwarnakda ti kappia ken kinalinteg
kadagiti tattao a naitalek kadakuada. Dawatenmi kenka, Apo. (S)
3. Apo, pakirdem ti namnama dagiti marigrigat, tapno mariknada ti bara ti ayatmo, kasta met iti
pannakasarakda kadagiti tattao a nasayaat ti panagpuspuso na nga si-aayat ken siwawaya-
waya a tumulong a mangitag-ay Kenka kadagiti parikutda. Dawatenmi kenka, Apo. (S)
4. Apo, palagdaem ti pudno nga ayat, pammati ken talek kadakami ditoy a gimong bayat iti
panangrambakmi iti iyuumay ti Anakmo a ni Apo Jesus. Dawatenmi kenka, Apo. (S)
5. Apo, awatem kadi dagiti minataymi ita pagariam tapno agbiagda nga agnanayon iti sidongmo
a makipagragsak Kenka. Dawatenmi kenka, Apo. (S)
M: O Dios nga Apomi, patgam koma dagitoy dawatmi ta isuda met laeng ti pakaidaydayawam
ken pakaisalakananmi babaen ken Jesus nga Anakmo ken Apomi. Amen.
III. RITO TI NASANTOAN A KOMUNION
(Mairuar ti Santisimo Sakramento ita manipud iti tabernakulo ket maikabil iti altar ngem saan
pay a maikkat ti kalub ti ciburium. Masindian ti dua a kandela sa maikararag ti sumaganad a
kararag.)
KARARAG TI PANAGDAYAW KEN PANAGYAMAN:
SALMO 136: 21-26

(Kanta a Pagyaman)
M: Agyamantayo iti Apo, agsipud ta isu ket naimbag, agnanayon ti napudno nga ayatna ken
kunatayo: “AGYAMAN KEN AGRUKBABKAM KENKA, APO.”
1. Intedna ti daga kadagiti tattaona; wen, intedna ken ni Israel nga adipenna;
Sungbat: “AGYAMAN KEN AGRUKBABKAM KENKA, APO.”
2. Dinatay nalipatan idi naparmektayo; ket inispalnatayo kadagiti kabusortayo;

3. Ikkanna iti kanen ti amin a pinarsuana; agyamankayo iti Dios ti langit;

Makikaysakami kenni Francisco a Santo Papami, ni N. a Obispomi, ni N. a Kura

parokomi, ken ti entero a Simbaan iti inkam panagyaman ken panagdayaw kenka Dios nga
Amami, babaen ti Anakmo, ni Apomi a Jesus, Isu a nakipagbiag ken nakipagari Kenka ken ti
pannakikaysa ti Espiritu Santo, Dios nga awan inggana. Amen
PAKAUNA TI AMAMI:
Kumararagtayo iti Amatayo babaen ti balikas ni Jesus nga Anakna.
AMAMI……
6
PANANGIPAAY TI KAPPIA:
Ipaaytayo ti kappia iti maysa ken maysa.
(Saan a maikanta wenno maikararag ti “Kordero” gapu ta awan ti pannakapisi-pisi ti bagi ni
Cristo a nakairantaan ti kararag a “Kordero”)
PANANGIYAWIS TI KOMUNION: (no adda)

M: Daytoy ni Jesus nga Apotayo, isu ti Kordero ti Dios a mangikkat kadagiti basbasol ti lubong.
Nagasat dagiti umawat kenkuana.
APO, DIAK MAIKARI NGA UMAYKA KANIAK. . .
KARARAG KALPASAN TI KOMUNION:
M: Apo, urnosem a dakami a madama nga agdalyasat iti baet dagiti aglabas a banbanag, ay-
ayatenmi dagiti nailangitan, ket ipategmi dagiti banbanag a dinto mapukaw. Pagbanagem
kadi a pagimbaganmi ti masansan a pannakiranodmi kadagitoy a misterio. Gapu ken Cristo
nga Anakmo ken Apomi. Amen.
IV. PANANGIDATON KADAGITI SAGUT KEN PANAGCOLEKTA

(Daytoy iti gundaway nga intay panagkolekta ken panangidaton kadagiti saguttayo nga
agpaay iti simbaan ken kadagiti makasapul iti tulongtayo. Agkantatayo iti maiyannatop a kanta.
cf Supplement to the Roman Sacramentary)
V. RITO TI PANANGGIBUS
PAMENDISION:
M: Ti tiempo ti Adviento ket panawen nga intay pananguray ti yaay ni Apotayo a Jesus.
Luktantayo ti pusotayo a mangpasangbay Kenkuana, ket kuyogennatayo ti pammendision ti
mannakabalin a Dios: ti Ama, ken ti Anak, ken ti Espiritu Santo. Amen.
M: Nalpasen ti sangkagimongan a panaglualotayo, intayon ibiag ti Sao ti Apo.
G: Agyamantay iti Dios.
KANTA A PANGGIBUS. . .
#############################################################################
MAIKADUA A DOMINGO TI ADVIENTO
TAWEN B
Deciembre 10, 2023
#############################################################################
Tema: NI JESUS TI SILAW TI LUBONG!
PAKAUNA:
kanta. Kalpasanna, irugin ti mangidaulo)
MANGIDAULO: Iti nagan ti Ama, ken ti Anak, ken ti Espiritu Santo. Amen.
M: Iti daytoy maikadua a domingo ti Adviento, intay dayawen ti Apo, isu ti mangipaay ti ragsak
kadagiti amin a mangpaspasungad iti idadatengna babaen kenni Jesucristo.
7
RITO TI PANAGBABAWI
M: Intay dumawat ti pammakawan ti Apo kadagiti tiempo a ditay panangawat ken panagtulnog
kadagiti bilinna tapno maikaritayo iti daytoy sangkagimongan a panagkararag.
Agkonfesarak iti Dios a mannakabalin amin, ...
M: Kaasiannakami, O Apo, ket pakawanennakami kadagiti basbasolmi ket ipannakami iti biag
nga agnanayon. Amen.
LITANIA TI PANAGDAYAW ITI KAASI TI APO.
Apo, kaasiannakami... (maikanta)
M: Mannakabalin ken manangngaasi a Dios, ipaaymo kadi nga awan ti ania man nga aramid a
manglapped iti gagarmi a sumabet iti Anakmo. Aramidem koma ta nailangitan a siribmo a
maiturongkami a mairanod ken Cristo, Isu a Dios a makipagbiag ken makipagari Kenka, ken ti
Espiritu Santo, iti agnanayon nga awan inggana. Amen
UMUNA A MAIBASA Isaias 40:1-5, 9-11
“Liwliwaenyo dagiti tattaok,” kuna ti Diosyo. “Wen, liwliwaenyo ida”. Paregtaenyo

dagiti tattao ti Jerusalem. Ibagayo kadakuada nga umdasen ti nabayag a panagsagsagabada, ket
napakawanen dagiti basbasolda. Naan-anay ti panagdusak kadakuada gapu kadagiti amin a
basolda.”
Adda timek a mangipukpukkaw: “Iti let-ang, mangisaganakayo iti dalan ti Apo!
Dalusanyo ti dalan iti let-ang a pagnaan ti Diostayo! Magaburanto dagiti amin a tanap;
mapalanasto amin a bambantay. Agbalinto a patad dagiti turod, mapalanasto dagiti lasonglasong
a lugar. Maiparangarangto ti dayag ti Apo, ket makitanto ti amin a tattao. Ti Apo a mismo ti
nangikari iti daytoy.”
Inka iti tapaw ti nangato a bantay, O Jerusalem; ipakaammom ti naimbag a damag!
Pigsaam ti agpukkaw, Sion; ipakaammom ti naimbag a damag! Agsaoka ket saanka nga agamak.
Ibagam kadagiti ili ti Juda nga addan ti Diosda! Umay ti Apo Dios tapno agturay iti amin a
bilegna, ket itugotna dagiti tattao nga isalakanna. Aywanannanto ti arbanna kas iti panangaywan
ti agpaspastor iti animalna. Ummongennanto dagiti urbon ti karnero ket sakruyenna ida;
siaanusto a mangidalan kadagiti innada.
Ti Sao ti Apo
SALMO RESPONSORIO: Salmo 85: 8-9, 10-11, 12-13
Sungbat: IPARANGMO KADI KADAKAMI TI DI AGBALBALIW NGA AYATMO, O APO, KET
ISALAKANNAKAMI.
1. Dengdenggek ti sasawen ti Apo a Dios; ikarina nga ited ti talna kadatayo a tattaona, no la ket
ditay sublian dagiti minamaag nga aramidtayo. Pudno a sisasagana a mangisalakan kadagiti
agdaydayaw kenkuana ket agtalinaedto ti dayagna iti dagatayo. (S)
2. Agmaymaysanto sadiay ti ayat ken ti kinapudno, ket agtiponto ti kinalinteg ken ti kappia.
Agpangatonto ti kinapudno ti tao manipud ditoy daga, ket ti kinalinteg ti Dios tumannawagto
manipud langit. (S)
8
3. Paraburannatayto ti Apo ket umadunto ti apit ti dagatayo. Umun-unanto ti kinalinteg a
magna iti sangoanan ti Apo ket isaganana ti dalan a pagnaanna. (S)
MAIKADUA A MAIBASA: 2 Pedro 3:8-14
Agbasa: Daytoy a maibasa naadaw iti maikadua a surat ni San Pedro

Gagayyemko, diyo liplipatan nga iti imatang ti Apo, awan paggidiatan ti maysa nga
aldaw ken sangaribu a tawen; agpadpada dagitoy kenkuana. Saan nga itantan ti Apo a tungpalen
ti inkarina, kas ipagarup ti dadduma. Ngem an -anusannakayo ti Apo agsipud ta dina kayat a
madadael ti siasinoman, no di ket kayatna nga agbabawi ti amin a tao kadagiti basbasolda.
Dumtengto ti Aldaw ti Apo a di mapakpakadaan a kas iti yaay ti mannanakaw. Iti dayta
nga Aldaw, agpukawto dagiti langlangit a buyogan ti napigsa a daranudor, ket dagiti planeta
matunawdanto iti apuy, ti daga ken ti amin nga adda kenkuana maiparangarangto. Agsipud ta
madadaelto dagitoy a bambanag iti kastoy a wagas, ania ngarud a kita ti tao ti pagbalinanyo?
Masapul a nasantoan ken naidaton iti Dios dagiti biagyo, bayat ti panagururayyo iti Aldaw ti
Dios. Aramidenyo ti amin a kabaelanyo a mangpapardas iti yaay dayta nga Aldaw a
pannakauram ken pannakadadael dagiti langlangit ken pannakatunawto dagiti planeta iti pudot.
Ngem ur-urayentayo dagiti inkari ti Dios:ti baro a langit ken ti baro a daga a pagnaedanto ti
kinalinteg. Iti kasta, gagayyemko, kabayatan ti panagur-urayyo iti dayta nga aldaw,
makikappiakayo iti Dios ket aramidenyo ti amin a kabaelanyo nga agbalin a nadalus ken awan
pakapilawanna iti imatangna.
Ti Sao ti Apo.
ALLELUIA (Luc 3:4,6)
Alleluia! Alleluia!
Isaganayo ti dalan ti Apo.
Pasayaatenyo ti pagnaanna!
Makitanto dagiti amin a tattao
ti panangisalakan ti Dios.
Alleluia!
EBANGHELIO Marcos 1:1-8

Marcos
Daytoy ti pangrugian ni Naimbag a Damag maipapan ken ni Jesu-Cristo nga Anak ti
Dios. Nagparang ni Juan sadiay let-ang, kas nailanad iti libro ni profeta Isaias: “Sakbay a
mapanka,’ kuna ti Dios, ‘adtoy ti ibaonko a mangisagana iti dalanmo.’ Idiay let-ang, adda
mangipukpukkaw: ‘Isaganayo ti dalan ti Apo. Pasayaatenyo ti pagnaanna!’
Nangbunbuniag ken nangaskasaba ni Juan. Impakaammona kadagiti tattao nga agbabawi
kadagiti basbasolda. Adu ti napan nagdengngeg kenkuana. Naggapuda iti entero a probinsia ti
Judea ken iti siudad ti Jerusalem. Nagbabawida a silalatak kadagiti basolda ket binuniagan ida ni
Juan idiay karayan Jordan. Naaramid iti dutdot ti kamelio ti kawes ni Juan. Lalat ti barikesna.
Dudon ken diro ti pinagbibiagna. “Sumarsaruno kaniak ti maysa nga addaan iti dakdakkel a
pannakabalin ngem siak,” impakaammona pay. “Diak pay maikari nga agrukob a mangwarwar
iti kordon dagiti sapatosna. Buniagankayo iti danum ngem buniagannakayto iti Espiritu Santo.”
Ti Ebanghelio ti Apo
9
PAGPAMPANUNOTAN
Kabsat, nangrugi ka kadin nga nagsagana? Wenno, nakasagana ka kadin? Kasano ti

kaatiddog ti tiempo a masapulmo iti inka panangsagana?
Adda tayon iti maikadua nga Domingo iti panagsagsagana ti Simbaan tayo ken kasta
metten kadatayo a paset ti Simbaan ken Gimong tayo iti iyaay ni Apo Jesus a Mesias tayo a kas
maysa a maladaga. Intay ngarud man pay siripen ti pakabuklan dagiti naibasa nga intay
nangegan ita nga aldaw?: Iti ngarud kinuna ni Profeta Isaias iti umuna a naibasa: “Isaganayo ti
dalan ti Apo. Pasayaatenyo ti pagnaanna!” Ket iti met Salmo tayo: “Iparangmo kadi kadakami
ti di agbalbaliw nga ayatmo, O Apo, ket isalakannakami.” Iti met maikadua a naibasa, iti ud-udi
a paset na kinuna ni Pedro iti maikadua a Surat na: ...kabayatan ti panagur-urayyo iti dayta nga
aldaw, makikappiakayo iti Dios ket aramidenyo ti amin a kabaelanyo nga agbalin a nadalus ken
awan pakapilawanna iti imatangna. Ket iti met Ebanghelyo manipud iti insurat ni San Marcos
nangeg tayo met dagitoy: “Naggapuda iti entero a probinsia ti Judea ken iti siudad ti Jerusalem.
Nagbabawida a silalatak kadagiti basolda ket binuniagan ida ni Juan idiay karayan Jordan.”
Daytoy nga inkaskasaba ni San Juan a Mammuniag kadagiti tattao idi ket isu ti agtultuloy
nga ipalpalagip ken iyaw-awis ti Simbaan kadatayo a mamati nangnangruna iti daytoy a tiempo
ti Adviento—isu iti intay panagbalbaliw tapno sisasagana tayo iti isasangbay ti Mangisalakan iti
imahe ti maysa a narasi a maladaga. Ket daytoy nga imahe ket maiyarig man iti relasyon tayo iti
Dios a masapul la unay nga aywanan ken taripatuen tapno tumibker. Maawis tayo ngarud a
kanayon nga agsagana ta saan tayo nga ammo ti aldaw nga iyaay ti Apo kas saritaen ti
Ebanghelio tayo idi napalabas a Domingo. Iti naisangsangayan a wagas, awisennatayo ti
Simbaan tunggal tiempo ti Adviento nga agsagana para iti panangsarabo tayo iti Manubbot ken
Mangisalakan kadatayo. A ngem, no amirisen tayo kakabsat, namin anon aya nga Advieno ti
naglabas iti panagbiag tayo? Apay pay laeng nga urayen tayo ti kastoy a panawen sakbay tayo
nga agbalbaliw? Apay pay laeng a masapul tayo ti mapalagipan tapno urnosem tayo ti panagbiag
tayo ken relasyon tayo iti Apo Dios ken ti tunggal maysa? No bigbigen tayo a pasurot natayo ni
Apo Dios a ket saan tayo koma met ketten nga urayen ti palagip? Ngem kas ti imahe ti
maladaga, nagtalinaed tayon sa met nga maladaga ken saan pay laeng nga nagbalin a nataengan
ti pammati tayo. Masapul ngarud koma kakabsat nga ag “mature” wenno tumangken koma
metten ti pammati tayo, saan kadi?
Iti daytoy ngarud a panagsagsagana tayo kasapulan nga ammo tayo no kasano tayo nga
isagana iti bagi, puso ken nakem tayo; kasapulan a nalawag kadatayo dagiti wagas nga aramiden
tayo tapno napnoan kaipapanan ken nabunga daytoy a panagsagana ta inton dumteng dayta nga
aldaw ket awanto ti pabasolen tayo wenno saan tayonto nga ibaga iti bagi tayo: kastoy koma
gayam ti inaramid ko! wenno apay a saan ko nga napanpanunot daytoy idi koma pay laeng!
Masapul ngarud nga siriridam tayo.
Iti daytoy a Domingo, iparang ti Liturgia tayo ni Juan a Mammuniag a kas modelo ken
maestro no kasano ti panagsagana. Ti awis ni San Juan iti panagkaskasabana ket isu ti
panagsagana babaen iti panangbigbig kadagiti nagbiddutan tayo, dagiti saan nga nasayaat nga
tinurong tayo iti biag, dagiti nagbasolan tayo, ket agdawat iti kaasi ken pammakawan iti Apo,
panagbalbaliw ken panagsubli iti Apo. Dagitoy kakabsat nga awis ti mabalin tayo a
panagsagana no kasano tayo met nga isagana ti bagbagi tayo para iti yaay ti Apo. Silalagip tayo
koma iti daytoy a wagas iti panagsagana kas inlanad ni San Juan iti intay nangegan nga
Ebanghelyo. Saludsuden yo no kasano? Babaen ngarud iti panagbabawi ken panagbalbaliw tayo
10
iti kabibiag tayo, tumulong kadagiti kakabsat tayo nga agkasapulan; ti pannakipaset tayo
kadagiti gannuat nga iyaw-awis ti Simbaan kas koma iti panangpasingked tayo iti na espirituan a
panagbiag tayo: dagiti Advent Recollections” ken dagiti naduma-duma pay nga panangsagana ti
Gimong wenno Simbaan. Iti itutulong nga panagdalus ken panag dekorar iti simbaan sakbay iti
Misa de Aguinaldo. Ken kasta metten iti pannakimisa wenno pannakipaset iti daytoy ngarud
Novena a Misa-panagsagsagana a siyam nga aldaw. Ken iti panangseryoso tayo a panangsurot
kadagiti advent ken Christmas practices and precepts iti Simbaan tayo.
Umanay koma ngarud dagiti Sao ti Apo a nangegan tayo ita nga aldaw a mangipaay
inspirasyon ken bileg kadatayo tapno iga-ed ken ragsaken tayo iti intay panangitultuloy iti
naimpusoan a panagsagsagana para iti nabunga a panangpasangbay tayo iti Apo a kas maysa a
Maladaga inton aldaw ti Paskua. Sapay koma ngarud ta bendisyonan ken tarabayennatayo ti Apo
kadagitoy nga gannuat a panangsagana tayo iti daytoy a tiempo ti Adviento.
PANANGIPADUYAKYAK TI PAMMATI (Nicene Creed)
MAMATIAK ITI MAYAMAYSA A DIOS…
KARARAG A SAPASAP:
M: Idatagtayo dagiti karkararagtayo iti Apo tapno tulongannatayo a mangisagana dagiti
bagbagitayo para iti iyaayna. Kunatayo: APO, UMAYKA KADAKAMI.
1. Idawdawatantayo ti Simbaantayo, tapno agtultuloy ti panangitrabahona iti pannakaipatungpal
ti panagbalbaliw ken panagsubli ken iti pannakaiyasideg amin a tattao iti Apo a kas
panangsagana iti Paskua ti pannakaipasngay ti Apo. Kumararagtayo. (S)
2. Idawdawatantayo dagiti lideres ti pagiliantayo, tapno itultuloyda a denggen, ibiag ken
aramiden ti mensahe ti Ebanghelio ket iyunayunayda ti mangtaming ken mangisayangkat iti
pannakaipatungpal ti kappia ken hustisia. Kumararagtayo. (S)
3. Idawdawatantayo dagiti masaksakit, napanglaw ken agkasapulan tapno mapapigsada koma
babaen iti ayat, pammati, ken namnamada iti manangngaasi a Dios iti daytoy a tiempo ti
Adviento. Kumararagtayo. (S)
4. Idawdawatantayo ti gimongtayo, tapno silulukat tayo a mangawat iti panagbalbaliw, kasta met
iti intay panangibiag ti pammatitayo nga awanan panagbuteng ken panagduadua.
Kumararagtayo. (S)
5. Idawdawatantayo amin a pimmusayen ditoy a biag, tapno inda koman maragpat ti tarigagayda
a makipagtaeng iti Pagarian ti Apo. Kumararagtayo. (S)
M: Managayat nga Ama, imbaonmo ti Anakmo a mangipakita iti naindaklan nga ayat Mo
kadakami, patgam kadi dagiti dawatmi segun ti pagayatam babaen ken Cristo nga Apomi.
Amen.
kararag.)
KARARAG TI PANAGDAYAW KEN PANAGYAMAN:
M: Mannakabalin ken manangngaasi a Dios, nagbiagka a sidadayag kadakami. Iti panaglabas ti
panawen, impakitam ti ladawam babaen iti
11
panangiparangarangmo iti kinasirib ken kinamanagayatmo. Ket idi dumteng ti natudingan a
panawen, imbaonmo ditoy lubong ti bugbugtong nga Anakmo tapno parmekenna ti kinadakes iti
puso ti tao. Ket nakitamin ti ladawam babaen ken ni Jesus ket inugasannakami babaen ti lawag ti
gloriam. Makidanggaykami kadagiti amin nga ejercito ti langit, ket ikantami ti
pannakaidaydayawmo ket kunami:
“GLORIA ITI DIOS TI KANGATOAN.”
Natan-ok ken mannakabalin a Dios, im-bukbukmo ti silaw iti kaasim ditoy lubong idi
inkasaba ni Jesus ti Naimbag a Damag, pinaimbagna dagiti masakit ken pinakawanna dagiti
nagbabawi kadagiti dakes ti aramidda. Iti baet ti panagtutu-okna, kinaluban ti sipnget iti intero a
lubong, ngem ti silawmo iti nanglawag ti puso dagiti pinakawanmo. Nagungar ni Jesus ket
situtugaw iti makannawanmo, inayabannakami dita Pagariam tapno makipagbiagkami iti
agnanayon. Makidanggaykami kadagiti amin nga ejercito ti langit, ket ikantami ti
pannakaidaydayawmo ket kunami:
Natan-ok ken namedmed nga Ama, sika laeng ti mangpennek ti tarigagaymi iti
kinapudno, sika laeng ti mangbussog iti pagusmi nga agbiag. Idi idiay disierto, inikkam ti danum
dagiti tattaom ket pinakanmo ida ti manna manipud langit. Idi immay ti Anakmo ditoy mabisin a
lubongmi, insaganana ti lamisaan ti Bagina ket inawisnakami a makibingay iti napisipisi a
tinapay tapno agraniag ti ayatna babaen iti biagmi. Makidanggaykami kadagiti amin nga ejercito
ti langit, ket ikantami ti pannakaidaydayawmo ket kunami:
M: Makikaysakami kenni N. nga Obispomi, ni N. a Kura parokomi, ken ti entero a Simbaan iti
inkam panagyaman ken panagdayaw Kenka Dios nga Amami, babaen ti Anakmo, ni Apomi
a Jesus, Isu a nakipagbiag ken nakipagari Kenka ken ti pannakikaysa ti Espiritu Santo, Dios
nga awan inggana. Amen
PAKAUNA TI AMAMI:
M: Sitatalgedtayo a kumamang iti Dios babaen ti kararag nga insuro ni Apo Jesus.
AMAMI. . .
M: Ipaaytayo ti kappia iti maysa ken maysa.
(Saan a maikanta wenno maikararag ti “Kordero” gapu ta awan ti panakapisi-pisi ti bagi ni
M: Daytoy ni Jesus, ti Kordero ti Dios a mangikkat kadagiti basbasol ti lubong. Nagasat dagiti
naayaban iti padayana.
APO, DIAK MAIKARI NGA UMAYKA KANYAK . . .
M: Ita ta naawatmin ti taraon a maipaay iti kararruami, dawatenmi Kenka, Apo, ta iti
pannakiranodmi iti daytoy a misterio, isuronakam koma a mangamiris iti umiso a serbi dagiti
banbanag a naindagaan, ket tarigagayanmi a sireregta dagiti nailangitan. Gapu ken Cristo nga
Anakmo ken Apo mi. Amen.
12
IV. PANANGIDATON KADAGITI SAGOT KEN PANAGCOLEKTA
(Daytoy iti gundaway nga intay panagkolekta ken panangidaton kadagiti saguttayo nga agpaay
iti simbaan ken kadagiti makasapul iti tulongtayo. Agkantatayo iti maiyannatop a kanta. cf
Supplement to the Roman Sacramentary)
V. RITO TI PANANGGIBUS
PAMENDISION:
M: Iti daytoy a panglualotayo, impalagip ni Jesus ti kinamanangngaasi ken kinamatalekna

babaen kadagiti balikasna. Sapay koma ta iti kinatulnogna ket isu ti pagtuladantayo. Ket
bendisyonannatayo ti mannakabalin a Dios: ti Ama, ken ti Anak, ken ti Espiritu Santo.
Amen.
M: Nalpasen ti sangkagimongan a panaglualotayo, intayon iti kappia ti Apo.
#############################################################################
MAIKATLO A DOMINGO TI ADVIENTO
TAWEN B
Deciembre 17, 2023
#############################################################################
Tema: PALINTEGENYO TI DALAN A PAGNAAN TI APO!
PAKAUNA:
(No naurnongen ti gimong, mairugi ti panaglualo babaen iti maiyannatup a panglukat a kanta.
Kalpasanna, irugin ti mangidaulo)
Adda tayon iti maikatlo nga Domingo iti Adviento! Iti daytoy a Domingo ket
ipariknanan kadatayo nga umadanin ti paspasungadan ken sagsaganaan tayo a rambak iti Paskua.
No makita tayo ti kolor-Liturgico tayo ita ket kolor rosas. Manipud iti kolor ti maikatlo a
kandela a nasindian iti Advent Wreath, dagiti arwat-liturgico (Liturgical Vestments) kolor rosas
nga isimbolona ti ragsak. Rosas ti kolor tayo iti daytoy maikatalo a Domingo ta daytoy a
Domingo ket maaw-awagan a “Gaudete Sunday”. Ti termino a Gaudete ket pagsasao iti Latin a
kayatna a saoen ket rag-o wenno ragsak.
Siraragsak ken agkaykaysa tayo ngarud a mangidaton iti panagkararagtayo babaen iti
pannakikaysa tayo iti entero a Simbaan iti panagsagsaganana para iti umadanin nga isasangbay ti
Mesias.
RITO TI PANAGBABAWI
M: Kakabsat bigbigentayo koma dagiti basbasoltayo ket dawaten tayo ti
13
pammakawan ti Apo tapno maikaritayo iti daytoy sangkagimongan a panagkararag.
Agkonfesarak iti Dios a mannakabalin amin . . .
M: Kaassiannatayo koma ti managayat a Dios, pakawanem na dagiti basoltayo ket iturong
natayo iti biag nga agnanayon. Amen.
LITANIA TI PANAGDAYAW ITI KAASI TI APO:
Apo, Kaassian-nakami (maikanta)
M: O Dios, makitam a dakami nga ilim, sipapasnekkami a mangpadpadaan iti fiesta ti
pannakaipasngay ti Apo. Ipaaymo kadi ta iti nasged a puso, makipagragsakkami. Gapu ken
Apomi a Jesucristo nga Anakmo ket Dios, Isu a Dios a makipagbiag ken makipagari Kenka,
ken iti Espiritu Santo, iti agnanayon nga awan inggana. Amen.
UMUNA A MAIBASA: Isaias 61:1-2, 10-11
Adda kaniak ti Espiritu ni Apo Dios. Pinili ken imbaonnak tapno ipakaammok ti naimbag
a damag kadagiti napanglaw, mangliwliwa kadagiti nalapunos iti ladingit, mangiwaragawag iti
panagsubli dagiti napagtalaw, ken ti pannakawayawaya dagiti adda iti pagbaludan. Imbaonnak a
mangipakaammo a dimtengen ti tiempo a panangisalakan ti Apo kadagiti tattaona ken
panangparmekna kadagiti kabusorda. Agrag-o ti Jerusalem gapu iti inaramid ti Apo. Mayarig iti
nobia a nakawesan iti pannakarambak ti panagkasarna. Kinawesan ti Dios iti pannakaisalakan
ken balligi! Awan duadua nga isalakanto ti Apo dagiti tattaona, kas iti sigurado a panagtubo ken
idadakkel ti bukel, ket agdaydayawto kenkuana dagiti amin a nasion.
Ti Sao ti Apo.
SALMO RESPONSORIO: Luc 1:46-48, 49-50, 53-54
Sungbat: AGRAG-O TI KARARUAK ITI APO.
1. Toy pusok idaydayawna ti Apo, ket agragsak toy kararuak gapu iti Dios a Mangisalakan
kaniak. Ta nalagipnak, siak a nanumo nga adipenna, ket manipud ita, awagandakto a nagasat
dagiti amin a tattao. (S)
2. Gapu kadagiti naindaklan a banag nga inaramid kaniak ti Mannakabalin a Dios. Nasantoan ti
naganna; Kaasianna dagiti agbuteng kenkuana, manipud iti maysa a kaputotan agingga
kadagiti sumarsaruno. (S)
3. Pinennekna dagiti mabisin kadagiti agkakaimbag; Pinagtalawnanga ima -ima dagiti
babaknang. Tinungpalna ti karina kadagiti ammatayo; tinulonganna ti Israel nga adipenna. (S)
MAIKADUA A MAIBASA: 1 Tesalonica 5:16-24
Agbasa: Daytoy a maibasa naadaw iti umuna a surat ni San Pablo kadagiti taga-Tesalonica
Kanayon nga agragsakkayo. Agkararagkayo iti amin a tiempo. Agyamankayo iti aniaman
a kasasaad. Daytoy ti pagayatan ti Dios iti panagbiagyo ken ni Cristo Jesus.
14
Diyo lapdan ti Espiritu Santo. Diyo laisen dagiti sao a naipaltiing. Usigenyo ketdi a nalaing
dagiti amin a banag. Pilienyo dagiti naimbag ket liklikanyo ti amin a kita ti kinadakes. Sapay
koma ta pasantoennakayo a naan-anay ti Dios a mangted iti talna. Aywananna koma ti aminyo-
espiritu, kararua ken bagi, ket yadayonakayo iti amin a pagbasolan agingga iti yaay ni Apotayo a
Jesu-Cristo agsipud ta mapagtalkan ti mangayab kadakayo ket aramidennanto daytoy.
Ti Sao ti Apo.
ALLELUIA (Is 1:1; Luc 4:18)
Alleluia! Alleluia! Adda kaniak ti espiritu ni Apo Dios

Pinili ken imbaonnak tapno ipakaammok
ti naimbag a damag kadagiti napanglaw
Alleluia!
EBANGHELIO: Juan 1:6-9, 19-28
Agbasa: Ti sumaganad a maibasa naadaw iti nasantoan nga Ebanghelio a kas insurat ni San Juan
Imbaon ti Dios ti maysa a tao nga agnagan iti Juan. Immay a mangpaneknek kadagiti
tattao maipapan iti silaw tapno mamati dagiti amin a makangngeg kenkuana. Saan nga isu a
mismo ti silaw, ngem immay tapno paneknekanna ti maipapan iti silaw. Daytoy ti pudno a silaw
nga umay ditoy lubong ken manglawag kadagiti amin a tattao. Daytoy ti pammaneknek ni Juan
kadagiti papadi ken Levita nga imbaon dagiti Judio nga adda idiay Jerusalem nga agsaludsod
kenkuana, “Siasinoka?” Saan a naglibak ni Juan. “Saan a siak ti Cristo,” impudnona. “Siasinoka
ngarud?” sinaludsodda manen. “Sika kadi ni Elias?” “Saan a siak,” insungbat ni Juan. “Sika kadi
ti Profeta?” kinunada. “Saan,” insungbatna. “Ibagam ngarud no siasinoka.” Kinunada. “Masapul
nga adda isungbatmi kadagiti nangibaon kadakami. Ania ti masaom maipapan kenka?”
insungbat ni Juan ti impadto ni profeta Isaias: “Siak ti timek ti maysa nga agpukpukkaw iti let-
ang: ‘Palintegenyo ti dalan a pagnaan ti Apo!” Adda sumagmamano a naibaon a naggapu
kadagiti Fariseo. Sinaludsodda ken Juan, “No saan a sika ti Cristo, wenno ni Elias, wenno ti
Profeta, apay ngarud a mammunbuniagka?” “Mammuniagak iti danum,” insungbat ni Juan,
“ngem makipulpulapol kadakayo ti maysa a diyo am-ammo. Sumarsaruno kaniak, ngem diak
pay maikari a mangukas iti kordon ti sapatosna.” Napasamak amin dagitoy idiay Betania, iti
ballasiw ti karayan Jordan a pamumbuniagan ni Juan.
PAGPAMPANUNOTAN
“Toy pusok idaydayawna ti Apo, ket agragsak toy kararuak gapu iti Dios a Mangisalakan
kaniak. Ta nalagipnak, siak a nanumo nga adipenna, ket manipud ita, awagandakto a nagasat
dagiti amin a tattao.” Daytoy man ti nangegan tayo kakabsat iti Salmo tayo ita nga Domingo. Ta
ita a makitalo a Domingo ti Adviento ket isu ti makunkuna a Gaudete Sunday—Domingo nga
intay panagragsak ta umadanin ti Manubbot ti lubong iti imahe ti maysa nga makaay-ayo ken
narasi a maladaga! Asidegen! Umadanin ti isasangbay ti Apo! Kumusta kabsat ti inka
panagsagsagana iti daytoy pammasungad ti iyaay ti Mesiyas?
Ti tema tayo iti daytoy maikatlo a Domingo ti Adviento kakabsat ket

15
maipapan iti kinaragsak. Nga iti intay pannakimisa, ti umuna a balikas nga intay nangegan ket
Agragsak! Wenno Agrag-o! Isu ti gapu no apay nga daytoy nga Domingo ket managan pay met
iti Gaudete Sunday (agragsak ken agrag-o). Iti isusungbat tayo iti inaldaw-aldaw nga pasamak
ken paset ti biag tayo ket pangngeddeng tayo—Datayo ti mangpili. Saan nga idiktar wenno
imandar ti sabali kadatayo ngem ketdi bukod tayo a pangngeddeng. It is our personal choice! Isu
daytoy ti ipalagip ni San Pablo iti surat na kadagiti taga Tesalonica—isu iti manaynay wenno
kanayon a panagkararag nga awanan sarday ken iti met kanayon nga panagyaman. Ket daytoy
matungpal tayo babaen met iti pannilaw ken pannarabay ti Espiritu Santo nga isu ti kanayon nga
mangiturturong ken manglawlawag iti panunot tayo. (1Tes 5:16) Pasingkedan daytoy ti sungbat
iti Salmo tayo—AGRAG-O TI KARARUAK ITI APO! Kasta ngarud koma met ti ragsak tayo
ita nga umadanin ti Apo. Ket iti met Ebanghelio tayo nga insurat ni San Juan, dagitoy met ti
kinunana nga intay pagpampanunotan: “Siak ti timek ti maysa nga agpukpukkaw iti letang:
‘Palintegenyo ti dalan a pagnaan ti Apo!” Ania a klase ti dalan wenno pagnaan iti intay isimpa
bayat iti panagsagsagana tayo a mangpasungad Kenkuana? Daytoy dalan ken isu ti biag tayo, ket
ti puso tayo ti kulloung nga inna pagiddaan!
Dagitoy ngarud naibasa ita nga Domingo kakabsat ket allukoyennatayo nga agragsak
agsipud ta asidegen iti pannakaisalakan tayo. Kas iti intay nangegan iti umuna a naibasa ket
ipasimudaag na ti iyaay ti Mesiyas ti napili a mangisalakan ken ti Salmo isu iti pannakaawis tayo
nga agragsak ti puso tayo iti Apo; ti met maikadua a naibasa ket iti pannakaalukoy tayo nga
agragsak, aglualo ken agyaman. Iti Ebanghelyo inbaga ni Juan nga saan nga isu ni Cristo ngem
asidegen iti iyaay ti Mangisalakan.
Sublian tayo man ngarud tay Saludsod ko itay rugi daytoy a pagpampanunotan?
NAKASAGANA KA KADIN? Wenno naragsak ka kadi? Ania kadi dagiti rason nga
agragsakka? Ti ngamin insegida nga mapanunot tayo iti panangsagana ti Paskua ket isu iti intay
panag dekorar ti balbalay tayo kadagiti banbanag nga gumilap-gilap. Nakatutok ti panag kita
tayo kadagiti ibitin-bitin tayo nga agsala-sala iti pul-oy ti angina nga aglabas. Bareng met koma
a no dinalusan tayo met dagiti paset ti balay tayo nga intay inarkusan ken nagibitan kadagitoy
sumileng-sumilap nga arkos tayo?
Ti gutugoten ti Simbaan ken dagiti naibasa nga panangsagana tayo kakabsat ket saan nga
iti laeng pang ruar a makita tayo. Napatpateg nga ti intay isagana nga dalusan ket ti puso tayo
babaen iti panangbigbig tayo kadagiti nagbiddutan tayo ken daytoy a panangdalus ket babaen iti
intay panangselebrar iti Sakramento iti Panagkonfesar. Dalusan tayo ti puso tayo manipud basol,
dakes nga apal, pungtot ken dadduma pay tapno maikari ti puso tayo nga agbalin nga kulluong
(manger) ti ubing a maladaga inton sumangbay iti panawen iti pannakayanak na.
Ket tapno naan-anay ti ragsak tayo inton dumteng dayta nga aldaw ti pannakaipasngay ni
Apo Jesus, ipalagip ken iyawis manen ti Simbaan nga aramiden tayo koma dagiti dawat daytoy
nga aramidentayo iti tiempo ti Adviento. Daytoy a panawen ti Adviento ket nairanta a
mangisagana kadatayo para iti napnoan kaipapanan a panangrambak ti Paskua. Saan tayo koma a
pukawen iti direksyon ti imatang tayo ti daytoy sentro ti rambak tayo. Silalagip tayo koma latta
no apay nga agsagana, aglualo, agragsak, agyaman ken agrambak tayo iti Adviento. Awan sabali
a rason no saan nga iti intay panangsagana iti Paskua –ti iyaay ni Apo Jesus—ti Mesiyas, ti
Mangisalakan, ti Ari ti Kappia. Ala ngarud kabsat—umadanin ni Jesus— agragsak tayo a
sisasagana. Sapay koma ta kasta!

16
KARARAG A SAPASAP:
M: Kakabsat, bayat iti intay panagur-uray iti isasangbay ni Apo Jesus, sitatalek tay nga
agkamang iti Dios Ama kadagiti kasapulantayo, ket kunatayo: UMAYKA, APO,
AGTAENGKA KADAKAMI.
1. Apo, ikararaganmi ti Simbaan ti intero a sangalubongan tapno itultuloyda koma nga iparikna
ti kaaddam ditoy sibaymi babaen ti agtultuloy a panangitandudo ken panangitrabahoda ti ayat
ken kappia, panagpipinnakawan ken panagkaykaysa nangruna unay ita a panawen ti Adviento.
Kumararagtayo.
2. Apo, ikararaganmi dagiti amin nga agtuturay iti gobierno, tapno ipaayda ti waya-waya,
hustisia ken kalintegan kadagiti mairurumen, napanglaw, naan-anay a taraon ken mainum
kadagiti agkasapulan, mawaw ken mabisbisinan kasta met ti pagtaengan kadagiti awanan.
Kumararagtayo.
3. Apo, ikararaganmi dagiti napanglaw, marigrigat, nakapsot ken dagiti makasapul, masarakanda
ken mariknada koma ti ragsak ken namnama nga ipaay daytoy a rambak. Kumararagtayo.
4. Apo, ikararaganmi daytoy gimong ken parokyami, tapno pagbalinennakami a gimong a
napnoan ayat, pammati ken namnama, kaasi, panagraem iti tunggal maysa ken panagserbi,
panagkaykaysa ken panagbibinningay. Kumararagtayo.
5. Apo, ikaraganmi dagiti amin a minataymi, tapno makiranudda koma iti nagloriaan a panagari
ni Cristo. Kumararagtayo.
Dawatenmi daytoy babaen ken Cristo nga Anakmo ken Apomi. Amen.
kararag.)
KARARAG TI PANAGDAYAW KEN PANAGYAMAN
Naparabur nga Ama, sika ti naggapuan iti amin a naimbag. Pinunnom ti lubong iti
graciam ket pinagbungam iti adu, tapno dakami amin ket mabingayan iti sagotmo.
Binendisionam dagiti aramidmi tapno magun-odmi ti gungona nga agpaay kadakami.
Isagananakami iti yaay ni Cristo, tignayennakami nga agbalin a naparabur ken naayat,
ket kunami:
AGSAGANATAYO ITI YAAY NI CRISTO.
Naparabur nga Ama, idi immay ditoy ni Cristo nga anakmo, pinaneknekanna a sika ket
nasayaat a Dios a mangilala kadagiti agladladingit ken agkasapulan. Inkasaba ni Jesus ti
Naimbag a Damag kadagiti napanglaw, pinakanna dagiti rinibu a mabisin idiay disierto,
ken binilinnatayo a mangsarungkar kadagiti naibalud, badduan dagiti lamu-lamo,
asikasuen dagiti masakit. Isagananakami iti yaay ni Cristo, tignayennakami nga agbalin a
naparabur ken naayat, ket kunami:
17
Naparabur nga Ama, iti daytoy a panagsagsaganami iti isasangbay ti Paskua, linukatam ti
matami kadagiti agkasapulan ket tinukaymo ti pusomi nga agaramid iti nasayaat. Iti
daytoy a sangkagimongan a panglualomi ken iti inkam panangawat ken ni Cristo, Isu a
taraon ti biag, impariknam ti kasapulan dagiti nakaay-ay-ay ti panagbiagda.
Isagananakami iti yaay ni Cristo, tignayennakami nga agbalin a naparabur ken naayat,
ket kunami:
M: Makikaysakami kenni N. nga Obispomi, ni N. nga Kura parokomi, ken ti entero a Simbaan
iti inkam panagyaman ken panagdayaw Kenka Dios nga Amami, babaen ti Anakmo, ni
Apomi a Jesus, Isu a makipagbiag ken makipagari Kenka ken ti pannakikaysa ti Espiritu
Santo, Dios nga awan inggana. Amen.
PAKAUNA ITI AMAMI
M: Kumararagtayo iti Dios nga Amatayo kas insuro ni Apotayo a Jesucristo.
AMAMI. . .

M: Daytoy ti Mannubbot nga inwaragawag ni Juan, Isuna a kanayon nga adda iti sibaytayo.
Nagasattayo a naawis a makidanggay iti lamisaan ti Apo.
APO, DIAK MAIKARI NGA UMAYKA KANIAK . . .
M: Apo, ipaaymo kad a kaasi, ta daytoy nadiosan a sakramento dalusannakami iti amin a
kinadakes, ket saganaennakam iti panangrambakmi iti fiesta ti pannakai-pasngay ti anakmo.
Isu a makipagbiag ken makipagari Kenka, ken ti Espiritu Santo, iti agnanayon nga awan
inggana. Amen.
V. RITO TI PANANGGIBUS PAMENDISION:
M: Sapay koma ta maaramidtayo ti mensahe ti rambak tayo ita a domingo ken marikna tayo ti
grasia nga ipaayna. Bendisionannatayo ti mannakabalin a Dios: ti Ama, ken ti Anak, ken ti
Espiritu Santo. Amen.
18
M: Nalpasen ti sangkagimongan a panaglualotayo, intayon iti kappia ti Apo ket ibiagtayo ti
pammatitayo.
KANTA A PANGGIBUS . . .
#############################################################################
MAIKAPAT A DOMINGO TI ADVIENTO
TAWEN - B
Deciembre 24, 2023
#############################################################################
Tema: MASARAKANTAYO NI MARIA ITI DALAN TI PASKUA!
PAKAUNA:
Adda tayon iti maikapat ken maudi a Domingo ti Adviento. Nagtalinaed ti Apo kadagiti
balikas ken karina iti wagas a di mautob ti tao: imbaonna ti Anakna a nakikaysa kadatayo: Anak
ti Dios, wen, ngem Isuna ket Anak met ti maysa nga Ina. Kas kenni Maria a sitatallugod a
nangtungpal ti sao ti anghel, sapay koma ta mapagtalkan met ti sungbat tayo iti Apo.
M: Kakabsat, bigbigentayo koma dagiti basbasoltayo tapno maikari a makiranod iti daytoy
sangkagimongan a panaglualo.
M: Sika a naibaun tapno paimbagem dagiti puso nga agbabawi:
Apo, kaasiannakami.
M: Sika nga immay tapno ayabam dagiti managbasol:
Cristo, kaasiannakami.
G: Cristo, kaasiannakami.
M: Sika a situtugaw iti makannawan ti Ama tapno ibabaetnakami:
Apo, kaasiannakami.
M: Kaasiannakam kadi mannakabalin a Dios ket pakawanennakami ket ipannakami iti biag nga
agnanayon. Amen.
M: Dawatenmi, Apo, ta ibukbokmo kad ti gracia kadagiti puspusomi, tapno dakami a
makaammo iti panagbalin a tao ni Cristo, babaen daydi panangipakdaar tay angel; gapu iti
panagtutuok ken ipapatayna iti krus, mairagpatkamto koma iti gloria ti panagungarna. Gapu ken
Apomi a Jesu Cristo nga Anakmo ket Dios, Isu a Dios a makipagbiag ken makipagari Kenka,
ken Espiritu Santo, iti agnanayon nga awan inggana. Amen.
19
UMUNA A MAIBASA: 2 Samuel 7:1-5, 8-12, 14, 16
Agbasa: Daytoy maibasa naadaw iti maikadua a libro ni Samuel
Natalgeden ti panangituray ni David iti pagarianna. Inikkan ti Apo iti talna kadagiti amin
a kabusorna. Kalpasanna, kinuna ti ari ken ni Natan a profeta, “kitaem, agnaedak iti balay a
naaramid iti sedro ngem tolda laeng ti pagtaengan ti Lakasa ti Tulag ti Dios.” “Aramidem ngarud
ti panggepmo nga aramiden,” insungbat ni Natan, “gapu ta adda kenka ti Apo.”
Ngem iti dayta a rabii, kinuna ti Apo ken ni Natan, “Inka ibaga daytoy ken ni David nga
adipenko: ‘Saan a sika ti mangbangon iti templo a pagnaedak. Ngarud, ibagam ken ni David nga
adipenko a kastoy ti kunak kenkuana, siak nga Apo a Mannakabalin-amin, ‘Innalaka nga agay-
aywan kadagiti karnero ket tinudinganka a mangituray kadagiti tattao nga Israelita.
Kinuykuyogka iti sadinoman a papanam ket pinarmekko dagiti amin a kabusormo iti
idadarupmo. Itan-okka a kas kadagiti katan-okan iti lugar nga agpaay kadagiti tattao nga Israelita
ket pinagnaedko ida sadiay a pagnaedanda nga awanen ti mangidadanes kadakuada. Manipud
dimtengda iti daytoy a daga, dinarup ida dagiti naranggas a tattao ngem dinton mapasamak
daytoy. Inkarik a salaknibanka kadagiti amin a kabusormo ken ikkanka kadagiti kaputotam.
Addanto latta dagiti kaputotam, ket pagpautekto ti pagariam. Dinto agpatingga ti panagari dagiti
kaputotam.’”
Ti Sao ti Apo
SALMO RESPONSORIO: Sal 89:2-3, 4-5, 27, 29
Sungbat: O APO, KANAYONTO NGA IKANTAK TI DI AGBALBALIW NGA
AYATMO.
1. O Apo, kanayonto nga ikantak ti di agbalbaliw nga ayatmo; ipakaammokto ti
kinapudnom iti amin a tiempo. Ta ammok a ti ayatmo a mataginayon iti agnanayon
agpaut a kas iti langit ti kinapudnom. (S)
2. Kinunam, “Nakitulagak iti pinilik a tao, insapatak ken David nga adipenko:
‘ipasdekkonto dagiti kaputotam nga agari iti agnanayon.’ (S)
3. Kunananto kaniak, ‘Sika ti amak; Sika ti Diosko a mangsalaknib ken mangisalakan
kaniak.’ Tungpalekto ti inkarik, ket agnanayonto ti tulagko kenkuana. (S)
MAIKADUA A MAIBASA: Roma 16:25-27
Agbasa: Daytoy a maibasa naadaw iti umuna a surat ni San Pablo kadagiti taga-Roma
Madaydayaw ti Dios! Mabalinnakayo a pagtalinaeden a sititibker iti pammatiyo, kas
mayannurot iti Naimbag a Damag nga inkasabak maipapan ken Jesu-Cristo, ken kas mayannurot
iti naiparangarang a palimed ti kinapudno a nailemmeng manipud idi punganay. Ngem ita,
nailatak dayta a kinapudno babaen dagiti sinurat dagiti profeta; ken babaen ti bilin ti agnanayon
a Dios, naipakaammo kadagiti amin a nasion tapno mamati ken agtulnog ti amin a tao.
Madaydayaw koma iti agnanayon babaen ken Jesu-Cristo ti Maymaysa a Dios a masirib
iti amin! Amen.
Ti Sao ti Apo
20
ALLELUIA (Luc 1:38)
Alleluia! Alleluia!
Adtoyak nga adipen ti Apo.
Maaramid koma kaniak ti pagayatan ti Apo.
Alleluia!
EBANGHELIO: Lucas 1:26-38
Lucas
Iti maikanem a bulan ti sikog ni Elisabet, imbaon ti Dios ni Gabriel nga anghel a mapan
idiay Galilea, iti ili a Nazaret. Naibaon ni Gabriel ditoy iti maysa a balasang a birhen a naitulag a
mayasawa iti lalaki nga agnagan Jose a nagtaud iti kaputotan ni David. Maria ti nagan ti
balasang. Nagparang ti anghel ken ni Maria ket kinunana, “Agragsakka, sika a naidumduma ti
pategna. Ti Apo adda kenka.” Napalalo ti pannakariribuk ni Maria iti insao ti anghel, ket
pinampanunotna ti kaipapanan daytoy. Ngem kinuna ti anghel kenkuana: “Dika agbuteng,
Maria, ta pinaraburannaka ti Dios. Agsikogkanto. Ipasngaymonto ti maysa a lalaki, ket
panaganamto iti Jesus. Naindaklanto. Maawaganto iti Anak ti Kangatoan. Pagbalinento ni Apo
Dios nga ari, a kas ken David nga amana. Iturayannanto iti agnanayon dagiti kaputotan ni Jacob,
ket dinto agpatingga ti panagarina.” Kinuna ni Maria iti anghel: “Kasano a maaramid daytoy
idinto a maysaak a birhen?” Umayto kenka ti Espiritu Santo,” insungbat ti naghel.
“Salinongannakanto ti pannakabalin ti Kangatoan. Daytoy ti gapuna a nasantoanto ti ubing ket
maawaganto iti Anak ti Dios. “
Malagipmo ni kabagiam nga Elisabet a kunkunada a lupes? Masikogen nupay baket

unayen. Innem a bulanen ti sikogna. Ta awan ti saan a kabaelan ti Dios nga aramiden.” Adtoyak
nga adipen ti Apo,” kinuna ni Maria. “Maaramid koma kaniak, kas insaom.” Ket pinanawanen ti
anghel.
PAGPAMPANUNOTAN
Ni David ket mangnamnama iti nainlubongan a pagarian, ngem iti kapanunotan ti Apo
ket ti naDiosan a Pagarian. Ni Natanael, dimngeg iti Apo. Ni Apo Santa Maria dimngeg iti timek
ti Apo ken tinungpal na ti mensahe ti Anghel. Mabalin na koma met nga liniklikan wenno saan
nga inawat ngem nagtungpal iti pagayatan ti Apo (Fiat)! Kakabsat, adda tayon iti maudi a
Domingo iti panagsagsagana iti panangrambak tayo ti pannakaipasngay ni Apo Jesus. Uppat a
Domingo nga panagsagsagana ket makita tayo nga iti kandela ti korona-Adviento tayo ket
narunaw dan. Daytoy laengen maudi a kandela ti kasinsindi. Silaw iti uppat a Domingo nga intay
panag sagana ket sapay koma ta nagserbi dagitoy a lawag iti intay panagdalyasat iti panawen ti
Adviento. Napabileg pay daytoy a panangsagana iti intay panagsakripisyo a nakipaset iti intay
panagriing a nasapa iti siam nga aldaw ti Misa de Aguinaldo, nangayed a panagdengngeg ken
panaglualo kabayatan ti Misa nga paset iti pnagsagana nga intay insagut iti Ubing a Maldaga—ti
Mesiyas! pannakipaset tayo iti Aguinaldo Masses ken sangkagimongan a panaglualo. Ti
Ebanghelio tayo ita, nangegan tayo ngarud ti estoria iti panangbisita ni Anghel Gabriel ken
Maria tapno ipakaammona ti pagayatan ti Dios kenkuana. Kinuna ni Anghel Gabriel: “Dika
agbuteng, Maria, ta pinaraburannaka ti Dios. Agsikogkanto. Ipasngaymonto ti maysa a lalaki,
ket panaganamto iti Jesus. Naindaklanto. Maawaganto iti Anak ti Kangatoan.
21
Pagbalinento ni Apo Dios nga ari, a kas ken David nga amana. Iturayannanto iti agnanayon
dagiti kaputotan ni Jacob, ket dinto agpatingga ti panagarina.” Nakigtot ken nariribukan ni
Maria iti insao ti Anghel ngem no man pay kasta pinilina ti nagtungpal iti pagayatan ti Apo ket
nagtalek ngarud Kenkuana. No intay panunoten ti kasasaad ni Maria kas maysa nga ordinayo
nga balasitang iti lugarda, maibaga tayo nga adu met siguro dagiti plano ken arapaapna iti
panagbiag. Ngem impangpangrunana ti nagtungpal iti pagayatan ken plano ti Dios kenkuana ket
intalekna ti amin-aminna iti Apo.
Ita ngarud a Domingo intay man bigbigen ti akem ni Maria iti daytoy estoria ti
pannakaisalakan tayo. Ti pammatulad ni Maria no kasano iti agtudyo wenno agtungpal iti bilin
ken pagayatan ti Dios nga ti Manubbot nga Anak na ket agbalin a Tao a makipagnaed ken
makipagdalyasat kadatayo a kas iti mensahe ti Anghel.
Daytoy ngarud nga istorya iti panangipakdaar ni Anghel San Gabriel ket iturong na ti
atensyon tayo iti naisangsangayan nga aramid ni Apo Dios iti pannakaisalakan tayo. Ni Maria, a
napnuan iti grasya, ket immanugot iti pagayatan ken plano ti Apo iti pannakaisalakan tayo.
Daytoy ti naisangsangayan nga misteryo iti intay panangsagsana iti Paskua, ti misteryo nga ti
Dios ken nagbalin a Tao. Intay ngarud dawaten iti Apo nga agbalin ken agtalinaed tayo a
napnoan pammati nga mangbigbig ti plano ken pagayatan to Dios. Ni Maria ket nagtulnog ken
napakumbaba nga nagtungpal iti kinuna ti anghel ket isu ngarud ti nagbalin nga Ina ti Dios ket
naisangsangayan kadagiti babbai. Kas ken Maria intay ngarud koma agtulnog iti pagayatanna.
Numan pay naisangsangayan ken nainggasatan kadagiti babbai, nagtalinaed ni Apo Santa Maria
a NAPAKUMBABA.
Kasta Met laeng iti tema nga intay makita iti maikadua a naibasa ti kinapudno ken
kinaimbag ti Apo kadagiti tattaona nga agtudyo ken agtalek Kenkuana. Daytoy ket makita tayo
ken ni David. Ngarud kakabsat, da Maria ken David, ket nagtudyo ken nagtalek da iti Apo ket
nabendisyonan ken naitan-okda. Sapay koma ngarud ta kas kadakuada masursurotayo koma met
ti agtalek iti Apo ken agtudyo iti pagayatan na. Sapay koma ta kasta. Amen.

KARARAG A SAPASAP:
M: Kakabsat, sitatalek ken sipapakumbaba tayo nga agkamang iti Dios kadagiti kasapulan tayo
ket kuna tayo: APO, AGTAENGKA KADAKAMI.
1. Idawdawatantayo ni Santo Papa Francisco, dagiti obispo ken papadi, tapno degdegan koma
pay ti Dios ti pigsa ken gagarda a mangisaknap ti ayat, pammati ken namnama.
Kumararagtayo.
2. Idawdawatantayo ti sibubukel nga Iglesia, tapno kas ken Apo Santa Maria Sipapakumbaba
tayo met a mangtungpal ti pagayatan ti Apo babaen ti sao ken aramidtayo. Kumararagtayo.
3. Idawdawatantayo ti pagiliantayo, tapno babaen ti panangibabaet ni Birhen Maria, masursuro
tayo koma ti agbiag nga agkaykaysa kas maysa nga ili ket intay maipatungpal ti nakaayaban
ken akemtayo. Kumararagtayo.
4. Idawdawatantayo dagiti masaksakit, nakapsot ken napanglaw, tapno masarakan ken
mariknada ti grasia nga ipaay daytoy a tiempo ti Adviento ket mapapigsada koma iti ayat,
pammati ken namnama. Kumararagtayo
22
5. Idawdawatantayo dagiti amin a minatay tayo, tapno ti manangngaasi a Dios ket kaasian ket
awatenna idan iti pagarianna. Kumararagtayo.
M: Amami a nailangitan, sapay koma ta ti inkam panangrambak ti itatao ken pannakaiyanak ti

Nadiosan nga Anakmo, maipaay koma ti lawag ken kappia ti sangalubongan ken patgam
koma dagitoy dawatmi babaen ken Cristo nga Anakmo ken Apomi. Amen.
kararag.)
Nailangitan nga Ama, iti gakatmo a maisalakan dagiti tattaom pinilim ni Birhen Maria a
mangipasngay ti Mangibabaet ken Mangisalakan ti lubong. Madawdayawka, Dios nga
Ama, gapu iti nasin-aw nga ayatmo pinilinakami met a mangpasingked ken ni Jesucristo.
Napnoan panagyaman kadagiti adu unay a sagutmo inkam ipaduyakyak iti intero a
lubong:
PASINGKEDANMI NI CRISTO
Nailangitan nga Ama, idi pinilim ni Maria nga agbalin nga ina ni Jesus, Isu a nailansa ket
natay gapu kadagiti basolmi, intedmo Kenkuana ti naan-anay a pigsa a mangitured
kadagiti amin a sakit ken rigat. Madaydayawka, Dios nga Ama, gapu iti naparabur a
graciam intedmo ti naan-anay a tured a mangsango kadagiti pannubok ti biag. Napnoan
panagyaman kadagiti adu unay a sagutmo inkam ipaduyakyak iti intero a lubong:
Nailangitan nga Ama, Iti puso ken kararua ni Birhen Maria Nariknana iti awan inggana
nga ayatmo idi impasngayna ti Anakmo. Madaydayawka, Dios nga Ama, Gapu iti awan
patinggana nga ayatmo inpalubosmo a mariknami met ti ayatmo babaen ti
panagbibinagaymi iti tinapay ti biag. Napnoan panagyaman mi kadagiti adu unay a
sagutmo inkam ipaduyakyak iti intero a lubong:
M: Makikaysakami kenni N. nga Obispomi, ni N. nga Kura parokomi, ken ti intero a Simbaan iti
inkam panagyaman ken panagdayaw Kenka Dios nga Amami, babaen ti Anakmo, ni Apomi a
Jesus, Isu a makipagbiag ken makipagari Kenka ken ti pannakikaysa ti Espiritu Santo, Dios nga
awan inggana. Amen.
PAKAUNA TI AMAMI:
M: Kumararagtayo iti Amatayo sadi langit babaen ti insuro ni Jesus kadatayo.

23
AMAMI. . .

M: Daytoy ni Apotayo a Jesus, ti Kordero ti Dios a mangikkat kadagiti basasol ti lubong.

Nagasat dagiti umawat kenkuana.
G: APO, DIAK MAIKARI NGA UMAYKA KANYAK . . .
M: Agyamankam kenka, O mannakabalin a Dios, gapu ti panangawatmi iti komunion a talged ti

agnanayon a pannakaisalakanmi. Ipaaymo kadi, ta ti ad-adda a yaasideg ti fiesta ti
pannakaisalakanmi, umad-adda koma met ti pasnekmi nga agserbi Kenka, tapno
mapudnoanminto a rambakan ti misterio ti pannakaipasngay ti Anakmo, Isu nga agbiag ken
agari iti agnanayon nga awan ti inggana. Amen
M: Bendisionannatayo ti mannakabalin a Dios: ti Ama, ken ti Anak, ken ti Espiritu Santo.
Amen.
Nalpasen ti sangkagimongan a panaglualotayo, intayon iti kappia ti Apo.
#############################################################################
SOLEMNIDAD TI PANNAKAYANAK TI APO
TAWEN B (Rambak iti Rabii)
Deciembre 24, 2023
#############################################################################
Tema: GLORIA ITI DIOS TI KANGATOAN, TI MANGISALAKAN KET ADDAN! I.
RITO TI PANAGSAGANA PAKAUNA:
“Agsikugto ti birhen a balasang. Ipasngaynanto ti maysa a lalaki, ket
24
mapanagananto iti Emmanuel a kayatna a sawen, “adda kadatayo ti Dios”.
Ti panagbalin ni Jesus Tao ket pammaneknek nga ti Apo ket adda kadatayo. Gapu iti
daytoy, ipasimudaag ti Apo ti panangawatna kadatayo, inikkannatayo iti napintas a masakbayan,
ket nakikaysa kadatayo iti agnanayon. Babaen ti Anakna, agballigitayo kadagiti adu a pannubok
ket makipagbiag tayo iti Apo ken iti tunggal maysa. Adda koma naun-uneg a ragsak ti puso, ayat
ken namnama kadatayo, gapu ta ita a rabii ipakita ti Apo ti kina addana kadatayo, Emmanuel.
RITO TI PANAGBABAWI:
M: Kakabsat, bigbigentay nga umuna dagiti basbasoltayo tapno maikaritayo a makiranod iti
daytoy a panangrambaktayo iti idadateng ti Apo. Agkonfesarak iti Dios a mannakabalin
amin . . .
M: Kaassiannatayo koma ti managayat a Dios, pakawanenna dagiti basoltayo ket iturongnatayo

iti biag nga agnanayon. Amen.

Apo, Kaassiannakami (maikanta)
GLORIA ITI DIOS TI KANGATOAN . . .
M: O Dios, inaramidmo a daytoy nasantoan a rabii aglawag babaen dagiti raniag ti napaypayso a
Silaw nga isu ni Cristo. Ipaaymo kadi a dakami a mangbigbig iti misterio ti panagraniagna
ditoy daga, mairanud-kamto koma met kadagiti ragsak nga ipaaynat sadi langit. Gapu ken
Apomi a Jesucristo nga Anakmo ket Dios, Isu a Dios a makipagbiag ken makipagari Kenka,
ken iti Espiritu Santo, iti agnanayon nga awan inggana. Amen.
UMUNA A MAIBASA: Isaias 9: 2-7
Dagiti tattao a nagna ti maysa iti kasipngetan nakitada ti lawag a nagpaiduma ti raniag!
Nagnaedda iti daga dagiti anniniwan ngem ita agraniag kadakuada ti lawag. Kasta unay ti
ragsakda, O Apo; inyegmo ti rag-oda. Gapu iti inaramidmo, agragsakda a kas iti ragsak dagiti
agan-ani wenno agbingbingay iti sinamsamda. Winayawayaam ida iti kinaadipenda, inikkatmo ti
pang-or a nangparigat kadakuada sika ti nangparmek iti nasiona nangidadanes ken nangirurumen
kadagiti tattaom a kas iti panangparmekmo iti armada ti Midian idi un-unana. Mapuoranto ti
amin a sapatos ken dagiti dara a pagananay dagiti soldado a rimmaut. Naipasngay kadatayo ti
maysa nga ubing! Adda ubing a lalaki a naited kadatayo! Ket isunto ti mangituray kadatayo!
Maawaganto iti, “Masirib a Mamagbaga,” “Mannakabalin a Dios,” “Agnanayon nga Ama,” “Ari
ti Kappia.” Bumilegto a bumileg ti naarian a pannakabalinna; addanto latta kappia iti pagarianna.
Isunto ti sumukat ken ni Ari David nga agturay. Ibataynanto ti turayna iti kinapudno ken
kinalinteg maipud ita ingganat inggana. Aramiden nga aramiden amin daytoy ti Apo a
Mannakabalin-amin.
Ti Sao ti Apo
25
SALMO RESPONSORIO: Sal 6: 1-2, 2-3, 11-12, 13
Sungbat: ITA NGA ALDAW, NAIPASNGAY NI CRISTO NGA APO A
MANGISALAKAN KADATAYO.
1. Kantaantayo ti Apo iti baro a kanta; kantaantayo ti Apo, dakayo amin a tattao iti daga. Wen,
kantaanyo ti Apo ket itan-okyo ti naganna. (S)
2. Inaldaw nga ipakaamoyo ti damag ti panangisalakanna. Ipakaammoyo ti dayagna kadagiti
pagilian; dagiti nakaskasdaaw nga aramidna kadagiti amin a tao. (S)
3. Agragsakkayo, langit ken daga! Agdaranudorkayo, taaw ken amin nga adda kenka. Agrag-
okayo, tay-ak ken amin nga adda kadakayo! Dakay amin a kayo iti kabakiran agriawkayo iti
rag-o iti sango ti Apo. (S)
4. Ta umaynan iturayan ti daga; nalinteg ken awan idumdumana iti panangituraynanto iti amin a
tao ditoy lubong. (S)
MAIKADUA A MAIBASA: Tito 2:11-14
Agbasa: Daytoy a maibasa naadaw iti surat ni San Pablo ken ni Tito
Impakitan ti Dios ti paraburna nga agpaay iti pannakaisalakan ti amin a tao.
Sursuroannatayo dayta a parabur a mangiwaksi iti saan a nasantoan a panagbiag ken kadagiti
nailubongan a tarigagay tapno agbiagtayo a naparbeng, nalinteg ken nadiosan iti agdama a
tiempo bayat ti panaguraytayo iti nagasat nga aldaw a namnamaentayo, inton agparang ti dayag
ni JesuCristo a naindaklan a Dios ken Mangisalakan kadatayo. Inyawatna ti biagna gapu
kadatayo tapno isalakannatayo iti amin a kinadakes ket pagbalinennatayo a nadalus a tattao nga
agpaay kenkuana ken napasnek nga agaramid iti naimbag.
Ti Sao ti Apo
ALLELUIA (Luc 2:10-11)
Alleluia! Alleluia!
Yegko kadakayo ti naimbag a damag
a pakaragsakan ti amin a tattao:
ita met la nga aldaw, naipasngay ni Cristo
nga Apo a Mangisalakan kadatayo.
Alleluia!
EBANGHELIO: Lucas 2:1-14
Agbasa: Ti sumaganad a maibasa naadaw iti nasantoan nga Ebanghelio a kas insurat ni
San Lucas
Kadagidi nga aldaw, impaulog ni Emperador Augusto ti bilin a mailista ti amin nga umili
iti pagarian. Daytoy ti umuna a sensus a naaramid idi madama a gobernador ni Kirenio idiay
Siria. Iti kasta, napan nagpailista amin a tao, tunggal maysa iti ilina.
Agsipud ta nagtaud ni Jose iti kaputotan ni David, nagrubbuat iti ili ti Nazaret idiay
Galilea, key napan idiay Judea, iti ili a Bethlehem a nakayanakan ni ari David. Nagkuyogda ken
ni Maria a naitulag nga asawaenna, tapno agpailistada. Masikog idi ni Maria. Idi addada sadiay,
dimteng ti oras a panagpasngayna. Inyanakna ti inauna nga Anakna a lalaki ket binungonna iti
lampin sana impaidda iti kulluong ta awan pagyananda iti pagdagdagusan.
Iti dayta met la a disso, adda sumagmamano nga agpaspastor nga adda
26
idi iti away nga agbambantay iti rabii kadagiti karneroda. Nagparang kadakuada ti maysa nga
anghel ti Apo. Nagbutengda iti napalalo. “Dikay agbuteng!” kinuna ti anghel. “Yegko kadakayo
ti naimbag a damag a pakaragsakanyo, wen, dakayo ken dagiti amin a tattao. Ita met la nga
aldaw, ditoy ili ni David, naipasngay ti Cristo nga Apo a Mangisalakan kadatayo. Daytoy ti
pagilasinanyo: masarakanyonto ti maysa nga ubing a nabungon iti lampin ken nakaidda iti
kulluong.” Pagammoan, nagparang ti dakkel a bunggoy dagiti nailangitan a buyot a kadua ti
anghel. Ikankantada dagiti pagdaydayaw iti Dios: “Gloria ti Dios iti kangatoan a langit! Ket
ditoy daga, kappia kadagiti tattao a pakaay-aywanna.”
PAGPAMPANUNOTAN
Iti linged ti kinasipnget, nakita tayo ti lawag! Ni Kristo nagbalin a Tao para kadatayo! Ni
Kristo ti Silaw tayo iti agnanayon. Binurak ti Dios ti kinasipnget ti rabii iti lawag ni Anakna na
nga ni Apo JesuKristo!
Iti umuna a naibasa nga intay nangegan manipud kenni Profeta Isaias, mabigbig tayo a
paset tayo iti intay nangeg no nakapagdaliasat tayo wenno napadasan tayon iti nagdaliasat iti
kasipngetan nga nagkasapulan wenno nakarikna tayo iti nakana a pannakasapul iti lawag. Dayta
man rikna nga saan ka nga sigurado no nasayaat met la ti pagdisuan ti sakam iti sumaruno nga
addang mo. Segun kenni Profeta Isaias, daytoy ti kapadasan dagiti Israelitas idi panawen nga
adda da iti ikot dagiti nadangsot nga soldado-Romano. Ti ngarud karit kadatayo ita ket isu iti
intay panagtarigagay iti daytoy a lawag wenno silaw mga mangraniag iti panagbiag tayo. Iti
panagtarigagay iti wayawaya manipud kadagiti singgalot nga makalapped kadatayo a mangkita
iti lawag nga ididiaya ti Dios kadatayo. Iti daytoy a Paskua, maidiaya manen kadatayo iti intay
panagtarigagay iti isasangbay manen ti Dios babaen iti Maladaga nga Jesus iti ania man nga
aspeto ti biagtayo.
Iti maikadua a naibasa nga nangeg tayo manipud iti Surat ken ni Tito, nalawag nga
ibagana kadatayo nga ni Apo Dios ket nagparang tapno maipalagip kadatayo: “… ni Jesu-Cristo
a naindaklan a Dios ken Mangisalakan kadatayo. Inyawatna ti biagna gapu kadatayo tapno
isalakannatayo iti amin a kinadakes ket pagbalinennatayo a nadalus a tattao nga agpaay
kenkuana ken napasnek nga agaramid iti naimbag.” Ditoy kakabsat, ipalagip ken ikidagna
manen kadatayo iti panang wayawaya tayo ti biag tayo iti saan a nasayaat nga aramid nga isu ti
mangiturong kadatayo iti intay panagtalinaed iti kasipngetan. Ngem saan! Daytoy a kanito ket
awisen natayo manen ti Dios nga aggagar tayo koma nga agaramid iti nasayaat.
Ket iti met Ebanghelyo ni San Lucas nga makita tayo a nalawag no kasano nga maaramid
ken matungpal tayo dagitoy: “Ita met la nga aldaw, ditoy ili ni David, naipasngay ti Cristo nga
Apo a Mangisalakan kadatayo. Daytoy ti pagilasinanyo: masarakanyonto ti maysa nga ubing a
nabungon iti lampin ken nakaidda iti kulluong.” Kadagitoy nga balikas kakabsat, nalawag nga
posible a makita tayo daytoy a pannakaisalakan no luktan tayo dagiti mata ti pammati tayo.
Mabigbig tayo kalaksidan iti kinasipnget dayta a SILAW ken lawag nga ididiaya ti Dios
kadatayo. Mabigbigtayo ita nga Nasantoan a Rabii nga uray mano a siglon ti naglabas nga intay
pannakaammo ken ni Apo Jesu-Cristo, ti lubong tayo ket saan pay laeng nga naka lung-aw ken
agkalkallautang pay laeng iti kasipngetan. Uray kalpasan iti pannakaipaduyakyak ti Naimbag a
Damag, ti puso tayo ket saan pay laeng a nagbalbaliw para Kenkuana ken kasta metten ti lubong
—saan na pay a naipamaysa iti panagturong na iti Apo. Datayo nga tattao ket adun ti naglasatan
tayo, we all are broken ket sapay koma ta daytoy manen
27
isasangbay ni Maladaga nga Jesus, isu koma ti agbalin nga instrumento to fill up the missing
piece of our brokenness.
Kakabsat, Paskuan! Ni Jesus addan a kas Tao ket nakipagbiag ken makipagbiag manen
kadatayo! Agragrak ti lubong! Agragsak tayo uray no ad -adu iti kanito nga saan tayo nga
bigbigen ti kaadda na kadatayo iti inaldaw a panagbiag tayo! Paskua, baro a wayawaya, baro a
namnama, baro a lawag nga insangpet ngarud ni Apo Jesus a maysa a maladaga. Kayat na a
saoen nga pati kadatayo, mangrugi tayo manen iti intay panangpasingked iti namnama tayo.
Intay manen ikkan iti baro a raniag ken lawag ti pammati tayo nga nagtalinaed iti sipnget ken
kimmudrep gapu kadagiti basol ken saan a nasayaat nga inar-aramid tayo iti napalabas. Ita-
PASKUAN! Agragsak ken agrag-o tayo iti daytoy baro nga tsansa iti intay panagsarabo
Kenkuana iti puso ken biag tayo. Siraragsak tayo ngarud a mangikanta: Gloria iti Dios iti
Kangatoan ket ditoy daga (ken iti puso ken biagko) kappia ken wayawaya…!!! Pagayatan ni
Apo Dios nga addaan tayo iti wayawaya manipud iti sipnget tapno nawaya tayo a sumurot
manen Kenkuana. Saan pay a naladaw ti amin - ti naisangsangayan nga tiempo wenno panawen
ket ITA! The time is here and now! Sapay koma ta kasta!
KARARAG A SAPASAP:
M: Kakabsat, napno ti lubong ti ragsak gapu ti panagbalin ti Dios a Tao babaen ken ni Apo
Jesus a Dios. Agdawat tayo iti Amatayo a Nailangitan ta pabaraenna ti puso tayo iti ragsak iti
daytoy nagasat a rabii ket kunatayo: APO, AGTAENGKA KADAKAMI.
1. Agpaay kadagiti amin a Kristiano iti sangalubongan, tapno mariknada koma ti ragsak, ayat,
kappia ken panagkikinnaawatan nga ipaay daytoy a naindaklan a rambak. Kumararagtayo.
2. Agpaay kadagiti amin nga ubbing nangnangruna dagiti ulila, tapno marikna ken mananamda ti
kaipapanan ti Paskua babaen kadagiti tattao a naayat a tumulong kadakuada. Kumararagtayo.
3. Agpaay kadagiti saan pay a makaam-ammo ken ni Apo Jesus, tapno masilawan dagiti panunot
ken maluk-atan dagiti pusoda babaen daytoy rambak ti pannakaipasngay ti Apo.
Kumararagtayo.
4. Agpaay kadagiti masaksakit, napanglaw, dagiti agkasapulan, tapno maaddaanda iti naun-uneg
nga ayat, pammati ken namnama nga ipaay daytoy rambak ti pannakaipasngay ti Apo.
Kumararagtayo.
5. Agpaay kadatayo amin nga adda ditoy, tapno marikna ken mananamtayo ti pudno a ragsak
nga ipaay daytoy selebrasyon tayo. Kumararagtayo.
M: Dios nga Amami, immay ni Apo Jesus kadakami kas Tao tapno iranudna ti kinaDiosna
kadakami ket maikarikami nga agbalin nga annakmo. Tulongannakami nga agbalin a kas
Kenkuana tapno kanayon a maikari kami nga anakmo ita ken ti agnanayon. Amen.
kararag.)
28
Dios nga Amami,
daytoy ti naindaklan a rabii nga inaramidmo
idi ipasngay ni Birhen Maria idiay nanumo a kulluong
ni Cristo Jesus nga Anakmo ken Apomi.
Daytoy ti naindaklan a rabii nga ti langit ken daga
ket umaw-aweng ti kantada a kas panagyaman
ken panagdayaw iti pannakaiyanak ni Cristo a Mangisalakan.
Ket inkam iwaragawag ti dayawna, ket kunami:
GLORIA ITI DIOS TI KANGATOAN!
Natan-ok nga Ama,
awan makasupadi iti panagayatmo kadakami!
Idi nagsupring kami Kenka
inbaonmo ti bugtong nga Anakmo
tapno makipagbiag ket ispalennakami.
Naipasngay Isuna idiay Bethlehem, ti balay ti tinapay,
ket nagbalin ni Jesus a tinapay ti biag nga inkam awaten
iti daytoy nga altar a kas kari iti agnanayon a biag.
Nailangitan nga Ama,
ti pannakaiyanak ni Jesus, Isu a Mangisalakan kadakami
ket naiballa-ag nga umuna kadagiti nanumo nga agpaspastor
babaen ti kankanta dagiti angheles sadi langit.
Daytoy Naimbag a Damag ket naawatmi babaen iti ebanghelio.
Inwaragawagmi kadagiti amin a tao, naduma-duma a puli ken nasion
nga ti pannakipagtaeng ti Apo kadatayo.
M: Makikaysakami kenni Obispomi N., ni Kura parokomi N., ken iti intero a Simbaan ti inkam
panagyaman ken panagdayaw Kenka Dios nga Amami, babaen ti Anakmo, ni Apomi a Jesus,
Isu a makipagbiag ken makipagari Kenka ken ti pannakikaysa ti Espiritu Santo, Dios nga
awan inggana. Amen
PAKAUNA TI AMAMI:
M: Pudno unay nga ti Apo Dios ket nagbalin nga Amatayo babaen ken ni Jesus nga anakna.
Kenkuana, intay umasideg iti Ama a napnoan namnama.
AMAMI. . .
M: Daytoy ni Apotayo a Jesus, Isu ti sibibiag a tinapay a bimmaba manipud langit. Nagasattayo
nga umawat kenkuana a kas ragsak ken kappiatayo.
M: Ipaaymo kad, Apo, ta dakami a mangrambak a siraragsak ditoy daga iti
29
pannakaipasngay ti Nangisalakan kadakami, agbiagkam a sisi-singpet, tapno maikarikamto a
makikad-kaddua Kenkuana sadi langit. Gapu ken Cristo nga Anakmo ket Apomi. Amen.
M: Bendisionannatayo ti mannakabalin a Dios: ti Ama, ken ti Anak, ken ti Espiritu Santo.
Amen.
M: Nalpasen ti sangkagimongan a panaglualotayo, intayon iti kappia ti Apo ket ibiagtayo ti
espiritu ti Paskua.
#############################################################################
SOLEMNIDAD TI PANNAKAYANAK TI APO
TAWEN B (Rambak iti Aldaw)
Deciembre 25, 2023
#############################################################################
Tema: TIMMAO TI DIOS KET NAKIPAGBIAG KADATAYO!
PAKAUNA:
MANGIDAULO: Iti nagan ti Ama, ken ti Anak, ken ti Espiritu Santo. Amen. Ti Apo ket
nakipagbiag kadatayo babaen kenni Jesus, Isu ti naraniag a silaw a nangaramidanna iti amin nga
imbag. Ita rambakantayo daytoy naisangsangayan a pasamak ti biagtayo, ti iyuumay ti Dios
kadatayo. Naragsak a Paskua kadatayo amin nga awan labasna!
M: Ket tapno maikari tayo a mangrambak ken makiranud iti daytoy a sangkagimongan a
panaglulalo bigbigen tayo dagiti basbasoltayo ket dawatentayo ti pammakawan ti Apo.
M: Apo, kaassiannakam kadi
G: Ta nagbasolkam Kenka.
M: Apo, ipakitam kad kadakam ta panangaasim.
G: Ket ipaaynmo kad kadakam ta panangisalakanmo.
M: Kaassiannatay koma ti mannakabalin a Dios ket kalpasan ti pannakapakawan dagiti basbasol
tayo, ipannatayo iti biag nga agnanayon.
G: Amen.
30
M: O Dios, nakakas-kasdaaw daydi panangitan-okmo iti tao idi a pinarsuam; ket ad-adda pay a
nakakaskasdaaw daydi panangpabarum kenkuana idi nga insalakanmo. Ipaaymo kadi ta
makiranodkami iti kinaDios ti Anakmo. Isu a naayat a nakiranod iti kinataomi. Gapu ken Apomi
a JesuCristo nga Anakmo ket Dios, Isu a Dios a makipagbiag ken makipagari Kenka, ken iti
Espiritu Santo, iti agnanayon nga awan inggana. Amen.
UMUNA A MAIBASA: Isaias 52:7-10
Nagpintas ketdin a kitaen ti isusungad ti maysa a babaonen! Umay nga aglasat kadagiti
bantay; mangyeg iti naimbag a damag, damag maipapan iti kappia! Ipakaammona ti balligi ket
kunana iti Sion: “Agarin ti Diosmo!” agpukpukkaw dagiti guardian ti siudad, agpukpukkawda
gapu iti rag-o! Makitada a silalatak ti panagsubli ti Apo iti Sion! Agdir-ikayo gapu iti rag-o,
dakayo a nadadael a disso ti Jerusalem! Kinaasian ti Apo dagiti tattaona; inispalna ti siudadna.
Inaramat ti Apo ti nasantoan a pannakabalinna; insalakanna dagiti tattaona, ket nakita ti entero a
lubong.
Ti Sao ti Apo
SALMO RESPONSORIO: Sal 98:1, 2-3, 3-4, 5-6
Sungbat : NAKITA DAGITI TATTAO ITI AMIN A DISSO TI PANANGISALAKAN TI DIOS
TAYO
1. Kantaanyo ti Apo iti baro a kanta gapu kadagiti nakakaskasdaaw nga inaramidna. Nagun-odna
ti balligi babaen ti bileg ken ti nasantoan a pannakabalinna. (S)
2. Inwaragawag ti Apo ti panagballigina. Tinungpalna ti karina kadagiti Israelita; nalagipna ti
asina ken kinapudnona kadakuada. (S)
3. Nakita dagiti tattao iti amin a disso ti panagballigi ti Diostayo. Idir-iyo, dakayo amin a daga, ti
panagdaydayawyo iti Apo. Itan-okyo kadagiti kanta ken dir-I ti rag-o. (S)
4. Agarpakayo nga agkanta a mangidaydayaw iti Apo; agtokarkayo iti arpa! Umkiskayo iti rag-o
iti sango ti Apo nga ari, a danggayan dagiti trumpeta ken tangguyob. (S)
MAIKADUA A MAIBASA: Hebreo 1:1-6
Agbasa: Daytoy a maibasa naadaw iti surat kadagiti Hebreo
Kadagidi un-unana nga aldaw, nagsao ti Dios kadagiti ammatayo iti namin-adu a daras
ken iti madumaduma a wagas babaen kadagiti profeta. Ngem kadagitoy maudi nga aldaw,
nagsao kadatayo babaen ti Anakna. Pinarsua ti Dios ti amin a lubong babaen kenkuana, ket isu ti
pinilina nga agtawid kadagiti amin a banag. Ti Anak ti pakakitaan iti raniag ti dayag ti Dios. Isu
ti napaypayso a ladawan ti kinadiosna. Isu pay ti mangtartarawidwid iti amin a lubong babaen iti
mannakabalin a saona. Idi naugasannan ti basol dagiti tattao, nagtugaw iti makannawan ti natan-
ok a Dios sadi langit.
Naaramid ti Anak a naturturay ngem dagiti angheles. Nadaydayaw met
31
ti naganna nga inted ti Dios ngem ti naganda. Ta awan a pulos kadagiti angheles ti nangibagaan
ti Dios, “Sika ti Anakko; ita nga aldaw, nagbalinak nga Amam.” Wenno: “Siakto ti Amana, ket
isunto ti Anakko.” Kuna ti Dios idi dandanina ibaon ti Anakna ditoy lubong, “Masapul nga
agdayaw kenkuana dagiti amin nga angheles ti Dios.”
` Ti Sao ti Apo
ALLELUIA
Alleluia! Alleluia!
Limgak kadatayo ti nasantoan nga aldaw.
Umaykayo, dakayo a nasiones, ket dayawenyo ti Apo.
Ita nga aldaw ditoy daga, nagraniag ti naindaklan a silaw.
Alleluia!
EBANGHELIO: Juan 1:1-18
Agbasa: Ti sumaganad a maibasa naadaw iti nasantoan nga Ebanghelio a kas insurat ni San Juan
Sakbay a naparsua ti lubong, addan ti Sao, ket ti Sao adda idi iti Dios, ket no ania ti Dios,
kasta met ti Sao. Manipud idi punganay, adda ti Sao iti Dios. Pinarsua ti Dios dagiti isu amin
babaen Kenkuana; ket awan ti naparsua no di babaen Kenkuana. Adda idi Kenkuana ti biag, ket
daytoy a biag isu ti silaw dagiti tattao. Agraniag ti silaw iti sipnget, ket di mabalinan ti sipnget
nga iddepen. Daytoy ti pudno a silaw, ti silaw nga umay ditoy lubong ken manglawag kadagiti
amin a tattao. Ngarud, adda idin ti Sao ditoy lubong.
Pinarsua ti Dios ti lubong babaen Kenkuana; nupay kasta, saan a nabigbig ti lubong.
Napan iti ilina, ngem saan nga inawat dagiti kailianna. Ngem kadagiti amin nga immawat ken
namati Kenkuana, inikkanna ida iti kalintegan nga agbalin nga annak ti Dios. Saanda a nagbalin
nga annak ti Dios kas iti kadawyan a pannakaipasngay ti tao; ta ti Dios a mismo ti Amada.
Nagbalin a tao ti Sao ket nakipagtaeng kadatayo. Nakitami ti dayagna a napnoan iti parabur ken
kinapudno. Daytoy idi ti dayag nga inawatna kas kakaisuna nga Anak ti Ama.
Pinaneknekan ni Juan ti maipapan kenkuana ket impukkawna: “Isu daytoy ti ibagbagak
idi kinunak, ‘Sumarsaruno kaniak, nupay kasta, natantanok ngem siak, ta addan sakbay a
naIyanakak.’” Iti kinabuslon ti paraburna, inawat tayo amin ti bendisionna; wen, agsasaruno a
bendision ti impaayna kadatayo. Ta inted ti Dios ti Linteg babaen ken Moises; ngem immay ti
parabur ken kinapudno babaen ken Jesu-Cristo.
PAGPAMPANUNOTAN
NARAGSAK A PASKUA, MERRY CHRISTMAS NGA AWAN LABASNA!
Paskua ita nga aldaw, ti aldaw nga intay amin pinadpadaanan! Ti Paskua iti
pannakaipasngay ni Jesus nga isu iti maysa kadagiti kapapatgan nga paset ti istorya iti
pannakaisalakan tayo. Isu nga makaay-ayo nga ammo tayo nga TI DIOS ADDA KADATAYO.
God is with us! Ti sentro ti mensahe ti intay panag selebrar ita nga aldaw ti paskua ket isu ti
pannakai Tao ni Apo JesuCristo. Ngarud, adda amin a rason kadatayo nga agragsak agsipud ta ti
Ari ti Kappia ken naipasngayen ken addan iti sidong tayo!
Iti umuna a naibasa manipud ken ni Profeta Isaias ket ipakita na ti pannnakaipatungpal iti
pannakaipasngay ni Apo Jesus, iti kabibiag ken misyon na.
32
Kas kinuna ngarud ni Isaias: “Nagpintas ketdin a kitaen ti isusungad ti maysa a babaonen!
Umay nga aglasat kadagiti bantay; mangiyeg iti naimbag a damag, damag maipapan iti
kappia!” Pudno, nga ti Naimbag a Damag mismo ti immay kadatayo. Ti panangsarabo, sungbat
ken karit, ket adda kadatayo-isu ngarud iti intay met panangibingay iti daytoy a Naimbag a
Damag! Daytoy Naimbag a Damag iti ayat, kappia, namnama, ragsak ken pannakaisalakan.
Rumbeng laeng ngarud nga datayo nga nagururay a nainget, nangayed ken nagridam iti inna
isasangbay ket iyikkis tayo ti ragsak ken rag-o tayo ket kuna tayo: “Agragsakka itan lubong ti
Arim adtoyen!” Ti Emmanuel - ti Dios immay kadatayo! Umaykayo ta intay daydayawen ti
kaipaspasngay nga Ari. Awag kadatayo daytoy nga agragsak ken ipadamag ti Naimbag a
Damag!
Iti maikadua a naibasa ti Surat kadagiti Hebreo ket inladawan na ti naisangsangayan nga
inaramid ti Apo para kadatayo ita: “...nagsao ti Dios kadagiti amma tayo iti namin-adu a daras
ken iti madumaduma a wagas babaen kadagiti profeta. ... nagsao kadatayo babaen ti Anakna.
Pinarsua ti Dios ti amin a lubong babaen kenkuana, ket isu ti pinilina nga agtawid kadagiti
amin a banag. Ti Anak ti pakakitaan iti raniag ti dayag ti Dios. Isu ti napaypayso a ladawan ti
kina Diosna.” Kayat na ngarud nga saoen nga tinungpal ti Dios ti karina babaen iti panangipakita
na kadatayo iti mysterio ti pannakaisalakan.
Ita nga aldaw (iti Latin daytoy ti makunkuna nga Hodie-ita nga aldaw) ti paltiing ti Apo
ket nadanon tayon iti alimpatok wenno ti Kangatoan nga paset na, ta ti mysterio ket naipakitan
iti Sao a Timmao. Ngarud, datayo nga nakapaneknek iti daytoy saan tayon a masapul nga aguray
pay iti sumaruno nga paltiing ta addan ita iti baet tayo. Ni Apo Dios inpakitana ti kinaDios na
kenni Cristo, ti raniag ken gloria ti Ama.
Iti Ebanghelyo ni San Juan itedna kadatayo ti pakabuklan ti napasamak ita nga aldaw
(hodie) ti pannakaiTao ti Dios: “...addan ti Sao, ket ti Sao adda idi iti Dios, ket no ania ti Dios,
kasta met ti Sao.” Ket daytoy Sao ket nakipagbiag kadatayo. Ita nga aldaw (hodie) ti Dios Anak
inparangarang na ti Dios Ama. Ti Sao adda iti Ama ket kasta met iti Espiritu Santo.
Ti ramrambakan tayo ita nga aldaw ket isu ti Ayat agsipud ta: “Ti Dios ay-ayatenna ti
lubong ket inted na ti bugbugtong nga Anakna (Jn 3:16). Sidadaan tayo ngarud nga mangiburay
iti dayta nga ayat. Ti Dios inbaonna ti Anak na iti baet tayo gapu iti ayatna kadatayo. Kasta met
da Santa Maria ken San Jose ket ket nakikaysada iti Dios tapno umay ni Cristo-Jesus ditoy
lubong gapu iti ayatda iti sangalubongan.
Ita nga aldaw (hodie), rambakan tayo ti maysa ken naisangsangayan a sakripisio. Isu nga
datayo ket sidadaan koma ngarud met nga agsakripisyo para iti pagsayaatan ti pada tayo a tao.
Dayta ngarud ti kaipapanan tay ikankanta tayo tunggal dumteng daytoy Paskua nga “give love
on Christmas Day” ken “Love, came down at Christmas…” ta daytoy ti ayat nga inted ti Dios
kadatayo bimmaba ti Apo Jesus manipud trono na sadi langit nagbalin a Tao ket nakipagbiag
kadatayo.
Ita nga aldaw (hodie) rambakan tayo ti KINAPAKUMBABA! Maadal tayo koma met
dayta kinapakumbaba ni Cristo, nga uray no Ari ket nagpakumbaba ket naiyanak a nanumo para
kadatayo. Wen, naiyanak a kas maysa a nakurapay—iti kulluong! Saan nga iti ospital nga
nangayed wenno sikat wenno nalatak —kulluong!
Kamaudiananna, ita nga aldaw (hodie), rambakan tayo ti panagari ti kappia gapu ta ti Ari
ti Kappia ket adda kadatayo. Ita nga aldaw, rambakan tayo ti namnama agsipud ta ti pannakai
Tao ni Cristo ket isu ti namnama iti ken salakan tayo. Ngarud, agkanta tayo iti Salmo ti para iti
Apo iti harpa, iti
33
napintas nga aweng ti kanta, iti uni ti trumpeta ket bigbigen tayo nga ti Dios nga Ari ti Kappia
ket immay a makipagbiag kadatayo.
Sapay koma ta magun-odtayo ti lawag ken ragsak ni Cristo. Manen, naragsak a Paskua
kadatayo amin! Sapay koma ta kasta.
KARARAG A SAPASAP:
M: Kakabsat, ita nga aldaw, nagbalin ti Dios a tao ket nakipagbiag kadatayo. Agdawat tayo iti
Ama a managayat ken managparabor ket kunatayo: APO, AGTAENGKA KADAKAMI.
1. Agpaay kadagiti mangikaskasaba ti Sao ti Dios, tapno masamayda koma nga umuna kadagita
a balikas tapno saksianda ken ibiagda ti mensahe ti paskua ket mariknada met ti ragsak nga ipaay
ti paskua. Kumararagtayo. (S)
2. Agpaay kadagiti mangidadaulo ti gobyerno tayo, tapno makita ken mariknada ti dayag ken
gloria ti Dios a nagtaudan ti turayda babaen daytoy rambak ti paskua. Kumararagtayo. (S)
3. Agpaay kadagiti saan pay a makaam-ammo ken ni Apo Jesus a Cristo, tapno maluktan dagiti
matada iti daytoy a pudno a silaw nga immay kadagiti tattao. Kumararagtayo. (S)
4. Agpaay kadagiti agsagsagaba gapu iti pait, rigat ken sakit ti padasda iti biag, marigrigat, ken
masaksakit, tapno masarakanda ti pammati, kappia, namnama ken ayat babaen daytoy a rambak
ti pannakai Tao ti Sao. Kumararagtayo. (S)
5. Agpaay kadagiti kailiantayo nga agtrabtrabaho iti ballasiw-taaw, tapno maawatda met ti anag
ken bendision ti Paskua uray adayo da kadagiti familiada ken ipatpategda. Kumararagtayo. (S)
6. Agpaay kadatayo amin nga adda ita iti daytoy rambak ti paskua, tapno makita ken marikna
tayo ti dayag ken gloria ti Dios ket madegdagan koma ti ayat, pammati, ken namnama tayo.
Kumararagtayo. (S)
M: Dios nga Amami, babaen ken Apo Jesus nga Anakmo simrekka iti lubongmi ket ammom
ngarud dagiti kasapulanmi. Patgam kadi dagiti kasapulanmi kas pagayatam ket agtaengka
kadakami babaen ken Jesus a Cristo nga Anakmo ken Apomi. Amen.
kararag.)
Dios nga Amami,

daytoy ti naisangsangayan nga aldaw
idi immay ditoy lubongmi ti
Saom a nangwaknit ti kinasipnget ti kinaawan
kananakem babaen iti panangibukbukna iti lawag ti pammati.
Daytoy ti naisangsangayan nga aldaw ti pannakaiparangarang
34
ti kinatan-okmo iti napasindayag ken managbasol a lubong babaen ti kinapakumbaba ti Sao a
timmao. Napnoan siddaaw ti pusomi a mangiwaragawag.
IMMAY NI CRISTO KET NAKIPAGBIAG KADATAYO!
Naparabur nga Ama, awan makarimbaw ti panagayatmo kadakami! Nakipagnaed ti Anakmo

Kenka iti awan patinggana a kinaragsak, ngem idi dumteng ti tiempo nga inkeddengmo,
nagbalin Isuna a kas maysa nga adipen ket nakipagtaeng kadagiti awanan pagtaengan. Uray pay
no kasta, inawatnakami iti lamisaan nga insaganana tapno mapnekkami iti tinapay nga isu ti
bagina. Silulukat met ti pusomi a mangawat Kenkuana ket iruknoymi ti biagmi a kas maysa a
sagut. Napnoan siddaaw ti pusomi a mangiwaragawag.
Nailangitan nga Ama, ti idadateng ni Jesus nga Anakmo ket naipakdaar babaen ti lawag ti
baggak. Agdardaras dagiti Mago manipud Daya a mapan mangidatag kadagiti awitda a sagut ken
agdayaw iti naiyanak nga Ari, Dios ken Mangisalakan. Nakurapayman wenno nabaknang,
mannakabalin wenno napakumbaba: Aminda ket agparintumeng nga agdayaw ken agmanga, iti
inda panangmatmat ti Anak ti Dios a nabungon iti lampin, a nakaidda iti kulluong. Napnoan
siddaaw ti pusomi a mangiwaragawag.
M: Makikaysakami kenni Obispomi N., ni Kura parokomi N., ken ti intero a Simbaan iti inkam
panagyaman ken panagdayaw Kenka Dios nga Amami, babaen ti Anakmo, ni Apomi a Jesus, Isu
a makipagbiag ken makipagari Kenka ken ti pannakikaysa ti Espiritu Santo, Dios nga awan
inggana. Amen
PAKAUNA TI AMAMI:
M: Intay ikararag ti kararag nga insuro ni Apo Jesus.
AMAMI. . .

M: Daytoy ni Jesus, ti sibibiag a Sao ti Dios, ti silaw a manglawag kadagiti tattao. Ti Kordero ti
Dios nga mangikkat kadagiti basbasol ti lubong. Nagasat dagiti umawat Kenkuana.
M: Dawatenmi Kenka, O mannakabalin a Dios, ta ipaaymo kadi ta ti nayanak ita nga aldaw, Isu
a mangisalakan iti lubong, kas
35
impaayna ti nadiosan a pannakay-yanakna kadakami, kasta koma pay nga ipaaynanto ti
agnanayon a biag kadakami. Gapu met laeng ken Cristo nga anakmo ken Apomi. Amen.
IV.PANANGIDATON KADAGITI SAGOT KEN PANAGCOLEKTA
V. PANNAKABENDISION DAGITI UBBING ITI ALDAW TI PASKUA
(At the concluding rite, before the words of blessing, the lay minister invites the parents and
their children to come forward, if there is space. The minister leads the parents in reciting, with
hands joined, the following prayer. cf Supplement to the Roman Sacramentary)
Dios nga Amami,

Inkabilmo iti bibig dagitoy nga ubbing ti
kankanta a pagdayaw Kenka.
Ti kakaisuna nga Anakmo nga impasngay
ni Birhen Santa Maria ket inarakupna dagiti ub-ubbing
ket binendisionanna ida.
Ipaaymo kadi ti kaasim kadagitoy nga ubbibg
nga isuda ti ragsak ken raniag ti familiami.
Itdem kadakuada ti pamendisionmo
tapno Dumakkelda koma iti nakristianoan a pammati
ket maipaduyakyakda ti agnanayon nga ayatmo.
Dawatenmi daytoy gapu ken Jesucristo nga Apomi. Amen.
(The parents sprinkle the children with holy water)
VI. RITO TI PANANGGIBUS PAMENDISION:
M: Ti Apo ket nagsao ita kadatayo. Ket bendisionan ken tarabayennatayo ti mannakabalin a
Dios: Ti Ama, ken ti Anak, ken ti Espiritu Santo. Amen.
M: Nalpasen ti sangkagimongan a panaglualotayo, intayon iti kappia ni Cristo ket ibiagtayo ti

pannakaisalakantayo.
36
#############################################################################
FIESTA TI NASANTOAN A FAMILIA
TAWEN B
Deciembre 31, 2023
#############################################################################
Tema: TI PANAGTULNOG ITI APO TI MANGSALAKNIB TI FAMILIA!
PAKAUNA:

kanta. Kalpasanna, irugin ti mangidaulo)
Ita a domingo rambakantayo ti fiesta ti Nasantoan a Familia, familia da Jesus, Maria ken
Jose. Ket ilagiptayo met amin a nakristianoan a familia nangnangruna met laeng ti bukodtayo a
familia. Ti nakristianoan a familia ket adda panagraem ken ayat, sakripisio ken panangisakit iti
maysa ken maysa, panagkaykaysa ken panagtitinnulong. Agmaymaysatayo nga agkararag ken
Agdayaw iti Apo Dios. Dawaten tayo ti Dios ta bendisionan na dagiti amin a familia tayo.
M: Tapno maikaritayo iti daytoy sangkagimongan a panaglualo, bigbientayo dagiti basbasol

tayo ket dawaten ti pammakawan ti Apo.
Agkonfesarak iti Dios a mannakabalin amin . . .
M: Manangngaasi nga Apomi, ibukbokmo ti pammakawan ken ayatmo kadakami nga annakmo
tapno maikari kami a makipagbiag Kenka iti agnanayon nga awan inggana. Amen.
Apo, Kaassian-nakami (maikanta)
M: O Dios, kinayatmo nga inted kadakami dagiti natan-ok a pagpatulad ti nasantoan a familia.
Ipaaymo kadi ta tuladen mi daytoy a familia babaen dagiti virtudes a rumbeng a maisanay iti
uneg ti balay, ken ti panagi-innayat; tapno maragpatminto a siraragsak dagiti agnanayon a
gunggona iti balaymo’t sadi langit. Gapu ken Apomi a Jesucristo nga Anakmo ket Dios, Isu a
Dios a makipagbiag ken makipagari Kenka, ken iti Espiritu Santo, iti agnanayon nga awan
inggana. Amen.
UMUNA A MAIBASA: Sirac 3: 2-6, 12-14
Agbasa: Daytoy maibasa naadaw iti libro ni Sirac.
Inikkan ti Apo dagiti amma iti pammalubos a mangituray kadagiti annakda ket imbilinna
kadagiti annak a tungpalenda dagiti innada. No raemem ti amam, naikaromon dagiti basolmo,
ket no dayawem ti inam, kasla
37
agur-urnongka iti adu a kinabaknang. No raemem ti amam, paragsaken dakanto met dagiti
annakmo; ipangag ti Apo dagiti kararagmo. No tungpalem ti Apo babaen ti panagdaydayawmo
iti amam ken panangparagsakmo iti inam, ikkannakanto ti Dios iti atiddog a biagmo. Anakko,
taripatoem ni amam inton lakayen; dimo ikkan ti pagsakitan ti nakemna bayat ti panagbiagna.
Mannakaawatka uray no agkabawen; dimo tagibassiten ita ta nasalun-atka ken kapigpigsaam.
Dinto malipatan ti Apo ti ayat nga impaaymo iti amam; tumulong daytoy iti pannakaikaro dagiti
basolmo.
Ti Sao ti Apo.
SALMO RESPONSORIO: Sal. 128: 1-2, 3, 4-5
Sungbat: NAGASAT DAGITI AGBUTENG ITI APO KEN AGBIAG KAS

MAYANNUROT ITI PAGAYATANNA.
1. Nagasat dagiti agbuteng iti Apo; wen, nagasat dagiti agbiag kas mayannurot iti pagayatanna.
Lak-amemto ti bunga ti nagbannogam, ket naragsak ken narang-aykanto. (S)
2. Agbalinto ti asawam a kas nabunga nga ubas iti balaymo. Agbalinto met dagiti annakmo a
kas narukbos nga olibo iti likmut ti lamisaanmo. (S)
3. Kastoyto ti pannakabendision ti tao nga agtulnog iti Apo. Bendisionannaka koma ti Apo
manipud Sion, ket makitam ti irarang-ay ti Jerusalem bayat ti panagbiagmo! (S)
MAIKADUA A MAIBASA: Colosas 3: 12-21
Agbasa: Daytoy maibasa naadaw iti surat ni San Pablo kadagiti taga Colosas.
Dakayo dagiti tattao ti Dios. Inayat ken pinilinakayo a kukuana. Ngarud, ikawesyo ti
kinamanangngaasi, kinaimbag, kinapakumbaba, kinasingpet, ken kinaanus. Agiinnanus ken
agpipinnakawankayo no adda ti pagkunaan ti maysa iti sabali. Masapul nga
agpipinnakawankayo kas iti panangpakawan ti Apo kadakayo. Ket kadagitoy amin, inayonyo ti
ayat a mamagsinggalut a naan-anay iti isuamin. Ti talna nga ited ni Cristo ti agturay koma
kadagiti pusoyo; ta daytoy ti nangawisan ti Dios kadakayo iti maymaysa a bagi. Kanayon koma
nga agyamankayo. Agtalinaed koma kadagiti pusoyo ti mensahe ni Cristo iti amin a
kinabaknangna. Agsisinnuro ken agbibinnalakadkayo iti amin a kinasirib. Agkantakayo kadagiti
salmo, himno ken naespirituan a kankanta, a napno ti pusoyo iti panagyaman iti Dios. Ngarud,
amin nga aramiden ken sawenyo, aramidenyo iti nagan ni Apo Jesus. Agyamankayo iti Dios
Ama babaen kenkuana. Babbai, agtulnogkayo kadagiti assawayo, ta dayta ti rebbengyo nga
aramiden a kas Cristiano. Lallaki, ayatenyo dagiti assawayo, ket diyo rangranggasan ida. Annak,
agtulnogkayo kadagiti nagannak kadakayo, ta daytoy ti makaay-ayo iti Dios. Amma, diyo
rurruroden dagiti annakyo tapno dida maupay.
Ti Sao ti Apo
ALLELUIA Col 3: 12-21
Alleluia, Alleluia!
Ti talna nga ited ni Cristo ti agturay koma kadagiti pusoyo.
Ket agtalinaed koma kadakayo ti mensahena iti amin a kinabaknangna.
Alleluia!
38
EBANGHELIO: Lucas 2: 22- 40
Daytoy sumaganad a maibasa naadaw iti Ebanghelyo kas insurat ni San Lucas.
Dimteng ti tiempo a panangtungpal da Jose ken Maria iti seremonia ti pannakadalus, kas
mayannurot iti Linteg ni Moises. Impanda ngarud ti ubing idiay Jerusalem tapno idatonda iti
Apo. kas nailanad iti linteg ti Apo “Maidaton iti Apo ti amin nga inauna a lalaki.” Napanda
tapno mangidatagda met iti sakrifisio a sangaparis a pagaw wenno dua a sibong ti kalapati, kas
mayannurot iti linteg ti Apo.
Iti dayta a tiempo, adda lakay nga agnagan Simeon nga agnaed idiay Jerusalem. Naimbag
ken managbuteng iti Dios ket padpadaananna ti pannakaisalakan ti Israel. Adda kenkuana ti
Espiritu Santo. Impaltiing kenkuana ti Espiritu Santo a dinto matay agingga iti makitana ti Cristo
nga inkari ti Apo. Babaen ti panangidalan ti Espiritu, simrek ni Simeon iti Templo. Idi impan
dagiti nagannak ti ubing a Jesus idiay Templo tapno aramidenda Kenkuana ti inbilin ti Linteg,
sinakruy ni Simeon ti ubing ket nagyaman iti Dios. Kinunana: “Ita, ta tinungpalmon ti karim, O
Apo, Palubosamon a pumusay a sitatalna toy adipenmo. Ta nakitakon kadagiti bukodko a mata ti
panangisalakanmo, nga insaganam iti imatang dagiti amin a tattao: Maysa a silaw a
mangipakaammo kadagiti Hentil ti pagayatam. Ken mangyeg iti dayaw iti ilim nga Israel.”
Nasdaaw dagiti nagannak iti ubing iti sinao ni Simeon maipapan Kenkuana.
Binendisionan ida ni Simeon. “Pinili ti Dios daytoy nga ubing a pakadadaelan ken
pakaisalakanan ti adu iti Israel,” kinunana ken ni Maria. “Naituding a pagilasinan a suppiatento
ti adu a tattao. Iti kasta, mailatakto dagiti nalimed a pampanunotda. Ket ta pusom salputento ti
ladingit a kas natadem a kampilan.” Adda met maysa a profeta a baket unayen. Isu ni Ana nga
anak ni Fanuel iti tribu ti Aser. Pito a tawen a nagdennada iti asawana “ket 84 a tawenen at
nabalo.’’ Saan a pimmampanaw iti Templo. Aldawrabii a nagdaydayaw iti Dios, nagay-ayunar
ken nagkarkararag. Iti daydi met la nga oras, simmangpet ni Ana ket nagyaman iti Dios sa
nagsao maipapan iti ubing kadagiti amin nga agur-uray iti panangwayawaya ti Dios iti
Jerusalem.
Idi naaramiden da Jose ken Maria ti amin nga ipaannurot ti linteg ti Apo, nagsublida iti
ilida a Nazaret idiay Galilea. Dimmakkel ken pimmigsa ti ubing. Napnoan iti sirib ket adda
kenkuana ti parabur ti Dios.
PAGPAMPANUNOTAN
Iti nangegan tayo nga Ebanghelyo ita nga aldaw ket maipapan iti panangiparang da Jose
ken Maria iti ubing nga Jesus sadiay Templo a mangipaneknek nga da Jose ken Maria ket
napnekan nga Judio, a mangtungtungpal iti linteg ni Moises. Daytoy Ebanghelyo tayo ket
ipaturongna iti adu a kaipapanan ti linteg ni Moises: maipapan iti pannakakugit, maipapan iti
pannakaidaton iti Apo ti inauna nga anak, ken ti pannakapadalus ti maysa nga ina kalpasan ti
panagpasngayna, ken dadduma pay.
Segun iti linteg ni Moises nga nailanad iti Libro ti Leviticus, ti maysa a babai ket
naibilang nga narugit iti panagreglana ken iti panawen nga naganak daytoy. Kalpasan iti
panaganak na iti lalaki maibilang daytoy nga narugit iti uneg iti uppat a pulo (40) nga aldaw
kalpasan it panaganak na ket no met babai ti naipasngay ket kalpasan ti walopulo met nga aldaw
ket mapan met iti templo agidaton tapno dumalos. Daytoy ngarud nga linteg ti gapu no apay nga
napan da Maria sadiay Templo idi madanonen ti maika 40 nga aldaw manipud inyanak na ni
Jesus. No man pay ti linteg ni Moises ket
39
kasapulan pay nga agidaton da iti maysa a karnero, ngem dagiti saan a makabael iti karnero ket
mabalinda iti agidaton iti sangapagassawaan nga kalapati; ket dayta ngarud ti intugot ni Maria.
Iti daytoy nga parte ti estoria ni San Lucas ket binigbig na da Jose ken Maria a nakurapay isu
nga kalapati ti indaton da ket ditoy nga makita ti mensahe ti Ebanghelyo nga ni Jesus, uray
maysa pay laeng a malada ket makipagriknan kadagiti nakurapay. Ti babai nga Judio ti
mangaramid iti daytoy a ritual iti pannakapadalus ti naganak ken masurot ti ritual ti
panangidaton. Ket nangegan tay pay met iti Ebanghelyo nga iti maika walo nga aldaw ket isu
met ti pannakakugit ti ubing nga Jesus a nayon met laeng iti ritual iti pannakadalus wenno rite of
purification iti pagsasao nga Ingles.
Iti nangegan tayo iti umuna a naibasa ket ipalagip na kadatayo ti kinasayaat iti
panangrespeto iti amma ti familia. Ket ti met Salmo ken maikadua a naibasa ket ibagana
kadatayo no ania ti aramiden nga agbiag iti sidong dagiti familia.
Kakabsat ita nga aldaw ti sibubukel a Simbaan ket rambakan na ti Fiesta ti Sagrada
Familia. Daytoy nga rambak ket naiyurnos iti Domingo iti uneg ti Octaba ti paskua (a Sunday
within the Octave of Christmas) octaba kakabsat ket kayat na a sawen-walo. Daytoy ngarud
Domingo iti uneg ti walo nga aldaw kalpasan iti paskua ket isu ti naituding nga Fiesta ti Sagrada
Familia. Daytoy ngarud nangegan tayo nga Ebanghelyo ket naggapu iti Ebanghelyo ni San
Lucas ket parte wenno paset daytoy ti estoria ti kina ubing ni Apo Jesus.
Sadiay Jerusalem, saritaen met ni Lucas nga da Jose ken Maria ket naam-ammoda met ti
dua a napinget nga Judio, da Simeon ken Anna nga nangbigbig nga ti maladaga nga Jesus ti
makatungpal iti namnama ti Israel a pannakaisalakan. Ket iti sao ni Simeon ket aglaon iti padto
nga mapaneknekan ken makita ni Maria iti pannakailansa ken ipapatay ni Jesus iti krus. Iti
kararag a para rabii wenno Night Prayer ket makita sadiay ti padto ni Simeon nga iti pagsasao a
Latin ket naawagan iti Nunc Dimitis iti kararag ti Simbaan (Christian Prayer) sakbay a maturog,
mabalinnan ti matay ta napaneknekan na ti pannakatungal ti Sao.
Ti Dios nagbalin a Tao. Daytoy ngarud iti intay rambakan ita. Ti panagbalin ti Anak ti
Dios a Tao ket nakipagnaed kadatayo a kas iti kadawyan ti maysa a tao nga addaan familia. Ni
Jesus ngarud ket Anak da Jose ken Maria ket daytoy a familia iti intay bigbigen, tuladen ken
rambakan ita– ti Sagrada Familia da Jose, Maria ken Jesus!
Nangegan tayo met iti umuna ken maikadua a naibasa nga ti Sao ti Dios ket isuro natayo
nga mangtungpal iti Maikapat (4th) nga bilin ti Dios-ti panagdayaw ti ama ken ina. Ket iti
ngarud Surat ni San Pablo kadagiti taga Colosas ket ipaganetget na iti intay panagdayay iti ama
ken ina tayo. Adu dagiti pakaadalan no kasano nga penpennek iti intay panang respeto kadagiti
amma ken inna tayo.
Adda met dagiti sasanto nga nagbalin a pammagtuladan no kasano ti agbalin nga naanus,
napakumbaba, natakneng, managpasensia, managayat ken dadduma pay; ket kangrunaanna
dagiti pinili ti Dios nga agbalin nga saksi ken pagtuladan wenno modelo ti biag ni Apo Dios
babaen met laeng iti ayat nga inda iburay iti padada a tao. Dagitoy a kababalin ti masapul a
makita ken agtalinaed iti familia nga daytoy ti makita tayo ken inmodelo ken inpakita da Jose,
Maria ken Jesus.
Ngarud, kas iti Sagrada Pamilya da Jose, Maria ken Jesus ikagumaan tayo koma met a
tungpalen iti paglintegan ti Apo nga isu ti isursuro ti Simbaan tayo ta Kalaksidan ti kinapobre
ken kinasimple ti pamilya tayo marikna tayo ti bendisyon ken kinagasat nga ibukbukbok ti Apo
iti tunggal pamilya.
Adda koma a kanayon ti agtitinulong ken pannakipaset iti programa ti
40
Simbaan tayo para iti pannakaprotektar ken pannakaitandudo ti amin a familia iti aglawlaw. Ket
intay agkaykaysa a mangikararag iti famila tayo ken ti amin a familia tapno kas iti Sagrada
Familia, ti ayat, kappia, panagkaykaysa ken kinaimbag ti agari ket agtalinaed iti sidong tayo.
Sapay koma ta kasta.
KARARAG A SAPASAP:
M: Kas maysa a familia a nabukel iti ayat ken agrukbab iti Nasantoan a Familia da Apo Jesus,
Santa Maria ken San Jose, intay agkaykaysa a mangiyebkas kadagiti kasapulantayo ket
kunatayo: APO, DENGGEM TI KARARAG TI FAMILIAM.
1. Apomi a Dios, itultuloymo koma a pasantoem ni Francisco a Santo Papami, dagiti Obispo,
papadi ken relihioso ken amin nga agsaksakripisio iti pannakaisaknap ti Naimbag a Damag.
Dawatenmi Kenka, Apo.
2. Apomi a Dios, ikkam koma ti naan-anay a grasia ti panagsingpet ken awan mulit a panagserbi
dagiti mangidadaulo kadakami iti gobierno, tapno mariknami ti bara ti kappia ken hustisia ken
kalintegan iti pagilianmi. Dawatenmi Kenka, Apo.
3. Apomi a Dios, dawatenmi koma ti bendision ken kaasim nga ibukbukmo ti tunggal familiami
nga agdayaw ken agkamang Kenka iti daytoy rambak ti Sagrada Familia. Dawatnemi Kenka,
Apo.
4. Apomi a Dios, taraonannakami koma babaen ti Sao ket pabaroennakami iti panagkararagmi,
panagserbi ken panagayatmi kadagiti kakabsatmi. Dawatenmi Kenka, Apo.
5. Apomi a Dios, tarabayem koma dagiti agsagsagaba gapu kadagiti nadumaduma a kita ti sakit
ken rigat ket itedmo kadakuada ti bileg ti pakinakem tapno saanda koma a maup-upay nga
agkamang ken agdayaw kenka. Dawatenmi Kenka, Apo.
6. Apomi a Dios, ipaaymo koma ti pammakawanmo kadagiti minataymi ket awatem idan ita
pagariam. Dawatenmi Kenka, Apo.
M: Apomi a Dios, pinagbalinmo ti Nasantoan a Familia kas pagsarmingan ti nakiristinaoan a
familia. Bendisionam ken kaasiam koma ti tunggal familiami babaen ken Jesucristo nga anakmo
ken apomi. Amen.
kararag.)
iti gakatmo a maisalakan dagiti tattaom
pinilim ni Birhen Maria a mangipasngay
ti Mangibabaet ken Mangisalakan ti lubong:
Madawdayawka, Dios nga Ama,
gapu iti nasin-aw nga ayatmo
pinilinakami met a mangpasingked ken ni Jesucristo.
Napnoan panagyaman kadagiti adu unay a sagutmo
41
inkam ipaduyakyak iti intero a lubong:
idi pinilim ni Maria nga agbalin nga ina ni Jesus,
Isu a nailansa ket natay gapu kadagiti basolmi,
intedmo Kenkuana ti naan-anay a pigsa a mangitured
kadagiti amin a sakit ken rigat:
Madaydayawka, Dios nga Ama,
gapu iti naparabur a graciam, intedmo ti naan-anay a tured
a mangsango kadagiti pannubok ti biag.
Napnoan panagyaman kadagiti adu unay a sagutmo
inkam ipaduyakyak iti intero a lubong:
Nailangitan nga Ama, Iti puso ken kararua
ni Birhen Maria nariknana iti awan inggana nga ayatmo
idi impasngayna ti Anakmo:
Madaydayawka, Dios nga Ama,
Gapu iti awan patinggana nga ayatmo inpalubosmo
a mariknami met ti ayatmo babaen ti panagbibinningaymi
iti tinapay ti biag. Napnoan panagyaman
kadagiti adu unay a sagutmo inkam ipaduyakyak iti intero a lubong:
M: Makikaysakami kenni Obispomi N., ni Kura parokomi N., ken ti intero a Simbaan iti inkam
panagyaman ken panagdayaw Kenka Dios nga Amami, babaen ti Anakmo, ni Apomi a Jesus, Isu
a makipagbiag ken makipagari Kenka ken ti pannakikaysa ti Espiritu Santo, Dios nga awan
inggana. Amen
PAKAUNA TI AMAMI:
M: Kas maymaysa a gimong iti sangoanan ti Dios, intay itag-ay Kenkuana ti kararag nga insuro
ti Anakna, ni Jesus a taga-Nazareth.
AMAMI. . .
M: Ipaaytayo ti kappia iti maysa ken maysa. (Saan a maikanta wenno maikararag ti “Kordero”
gapu ta awan ti panakapisi-pisi ti bagi ni Cristo a nakairantaan ti kararag a “Kordero”)
M: Daytoy ni Jesus nga Apotayo, ti kordero ti Dios a mangikkat kadagiti basbasol ti lubong.
Nagasat dagiti naayaban iti padayana.
G: APO, DIAK MAIKARI NGA UMAYKA KANYAK . . .
M: Manangngaasi nga Ama, ipaaymo kadi a dakami a tinaraunam kadagiti nailangitan a
sacramentom, tuladenmi a kankanayon ti nasantoan a familiam, iti kasta, kalpasan dagiti
panagrig-rigatmi ditoy daga,
42
makikad-kadduakamto iti familiam iti agnanayon sadi langit. Gapu ken Cristo nga Anakmo ken
Apomi. Amen.
IV. PANANGIDATON KADAGITI SAGOT KEN PANAGKOLEKTA
V. RITO TI PANANGIGIBUS PAMENDISION:
M: Agyamantayo iti Dios ta inikkanna tayo iti familia a pagtuladan, ti sagrada familia da Apo
Jesus, Santa Maria ken San Jose. Sapay koma ta marikna tayo ti bendision nga ipaay daytoy a
rambak. Dawatentayo ti bendision ti mannakabalin a Dios: Ti Ama, ken ti Anak, ken ti Espiritu
Santo. Amen.
M: Nalpasen ti sangkagimongan a panaglualotayo, intayon iti kappia ti Apo.
**************************************************************************
CHAPTER IV
DIES HOMINIS
Sunday: Day of Joy, Rest and Solidarity (continued…)
The day of rest 64. For several centuries, Christians observed Sunday simply as a day of
worship, without being able to give it the specific meaning of Sabbath rest. Only in the fourth
century did the civil law of the Roman Empire recognize the weekly recurrence, determining
that on "the day of the sun" the judges, the people of the cities and the various trade corporations
would not work. (107) Christians rejoiced to see thus removed the obstacles which until then had
sometimes made observance of the Lord's Day heroic. They could now devote themselves to
prayer in common without hindrance. (108)
It would therefore be wrong to see in this legislation of the rhythm of the week a mere historical
circumstance with no special significance for the Church and which she could simply set aside.
Even after the fall of the Empire, the Councils did not cease to insist upon the arrangements
regarding Sunday rest. In countries where Christians are in the minority and where the festive
days of the calendar do not coincide with Sunday, it is still Sunday which remains the Lord's
Day, the day on which the faithful come together for the Eucharistic assembly. But this involves
real sacrifices. For Christians it is not normal that Sunday, the day of joyful celebration, should
not also be a day of rest, and it is difficult for them to keep Sunday holy if they do not have
enough free time.
65. By contrast, the link between the Lord's Day and the day of rest in civil society has a
meaning and importance which go beyond the distinctly Christian point of view. The alternation
between work and rest, built into human nature, is willed by God himself, as appears in the
creation story in the Book of Genesis (cf. 2:2- 3; Ex 20:8-11): rest is something "sacred",
because it is man's way of withdrawing from the sometimes excessively demanding cycle of
earthly tasks in order to renew his awareness that everything is the work of God. There is a risk
that the prodigious power over creation which God gives to man can lead him to forget that God
is the
43
Creator upon whom everything depends. It is all the more urgent to recognize this dependence in
our own time, when science and technology have so incredibly increased the power which man
exercises through his work.
66. Finally, it should not be forgotten that even in our own day work is very oppressive for many
people, either because of miserable working conditions and long hours — especially in the
poorer regions of the world — or because of the persistence in economically more developed
societies of too many cases of injustice and exploitation of man by man. When, through the
centuries, she has made laws concerning Sunday rest, (109) the Church has had in mind above
all the work of servants and workers, certainly not because this work was any less worthy when
compared to the spiritual requirements of Sunday observance, but rather because it needed
greater regulation to lighten its burden and thus enable everyone to keep the Lord's Day holy. In
this matter, my predecessor Pope Leo XIII in his Encyclical Rerum Novarum spoke of Sunday
rest as a worker's right which the State must guarantee. (110) In our own historical context there
remains the obligation to ensure that everyone can enjoy the freedom, rest and relaxation which
human dignity requires, together with the associated religious, family, cultural and interpersonal
needs which are difficult to meet if there is no guarantee of at least one day of the week on
which people can both rest and celebrate. Naturally, this right of workers to rest presupposes
their right to work and, as we reflect on the question of the Christian understanding of Sunday,
we cannot but recall with a deep sense of solidarity the hardship of countless men and women
who, because of the lack of jobs, are forced to remain inactive on workdays as well.
67. Through Sunday rest, daily concerns and tasks can find their proper perspective: the material
things about which we worry give way to spiritual values; in a moment of encounter and less
pressured exchange, we see the true face of the people with whom we live. Even the beauties of
nature — too often marred by the desire to exploit, which turns against man himself — can be
rediscovered and enjoyed to the full. As the day on which man is at peace with God, with
himself and with others, Sunday becomes a moment when people can look anew upon the
wonders of nature, allowing themselves to be caught up in that marvellous and mysterious
harmony which, in the words of Saint Ambrose, weds the many elements of the cosmos in a
"bond of communion and peace" by "an inviolable law of concord and love". (111) Men and
women then come to a deeper sense, as the Apostle says, that "everything created by God is
good and nothing is to be rejected if it is received with thanksgiving, for then it is consecrated by
the word of God and prayer" (1 Tim 4:4-5). If after six days of work — reduced in fact to five
for many people — people look for time to relax and to pay more attention to other aspects of
their lives, this corresponds to an authentic need which is in full harmony with the vision of the
Gospel message. Believers are therefore called to satisfy this need in a way consistent with the
manifestation of their personal and community faith, as expressed in the celebration and
sanctification of the Lord's Day.
Therefore, also in the particular circumstances of our own time, Christians will naturally strive to
ensure that civil legislation respects their duty to keep Sunday holy. In any case, they are obliged
in conscience to arrange their Sunday rest in a way which allows them to take part in the
Eucharist, refraining from work and activities which are incompatible with the sanctification of
the Lord's Day, with its characteristic joy and necessary rest for spirit and body. (112)
68. In order that rest may not degenerate into emptiness or boredom, it must offer spiritual
enrichment, greater freedom, opportunities for contemplation and fraternal communion.
Therefore, among the forms of culture and entertainment which society offers, the faithful
should choose those which are most in keeping with a life lived in obedience to the precepts of
the Gospel. Sunday rest then becomes "prophetic", affirming not only the absolute primacy of
God, but also the primacy and dignity of the person with respect to the demands of social and
economic life, and anticipating in a certain sense the "new heavens" and the "new earth", in
which liberation from slavery to needs will be final and complete. In short, the Lord's Day
44
thus becomes in the truest sense the day of man as well.

A day of solidarity
69. Sunday should also give the faithful an opportunity to devote themselves to works of mercy,
charity and apostolate. To experience the joy of the Risen Lord deep within is to share fully the
love which pulses in his heart: there is no joy without love! Jesus himself explains this, linking
the "new commandment" with the gift of joy: "If you keep my commandments, you will remain
in my love, just as I have kept the Father's commandments and remain in his love. I have told
you this that my own joy may be in you and your joy may be complete. This is my
commandment: that you love one another as I have loved you" (Jn 15:10-12). The Sunday
Eucharist, therefore, not only does not absolve the faithful from the duties of charity, but on the
contrary commits them even more "to all the works of charity, of mercy, of apostolic outreach,
by means of which it is seen that the faithful of Christ are not of this world and yet are the light
of the world, giving glory to the Father in the presence of men". (113)
70. Ever since Apostolic times, the Sunday gathering has in fact been for Christians a moment of
fraternal sharing with the very poor. "On the first day of the week, each of you is to put aside
and save whatever extra you earn" (1 Cor 16:2), says Saint Paul referring to the collection
organized for the poor Churches of Judaea. In the Sunday Eucharist, the believing heart opens
wide to embrace all aspects of the Church. But the full range of the apostolic summons needs to
be accepted: far from trying to create a narrow "gift" mentality, Paul calls rather for a demanding
culture of sharing, to be lived not only among the members of the community itself but also in
society as a whole. . (114) More than ever, we need to listen once again to the stern warning
which Paul addresses to the community at Corinth, guilty of having humiliated the poor in the
fraternal agape which accompanied "the Lord's Supper": "When you meet together, it is not the
Lord's Supper that you eat. For in eating, each one goes ahead with his own meal, and one is
hungry and another is drunk. What! Do you not have houses to eat and drink in? Or do you
despise the Church of God and humiliate those who have nothing?" (1 Cor 11:20-22). James is
equally forceful in what he writes: "If a man with gold rings and in fine clothing comes into your
assembly and a poor man in shabby clothing also comes in, and you pay attention to the one who
wears the fine clothing and say, 'Take a seat here, please', while you say to the poor man, 'Stand
there', or, 'Sit at my feet', have you not made distinctions among yourselves, and become judges
with evil thoughts?" (2:2-4).
71. The teachings of the Apostles struck a sympathetic chord from the earliest centuries, and
evoked strong echoes in the preaching of the Fathers of the Church. Saint Ambrose addressed
words of fire to the rich who presumed to fulfil their religious obligations by attending church
without sharing their goods with the poor, and who perhaps even exploited them: "You who are
rich, do you hear what the Lord God says? Yet you come into church not to give to the poor but
to take instead". (115) Saint John Chrysostom is no less demanding: "Do you wish to honour the
body of Christ? Do not ignore him when he is naked. Do not pay him homage in the temple clad
in silk only then to neglect him outside where he suffers cold and nakedness. He who said: 'This
is my body' is the same One who said: 'You saw me hungry and you gave me no food', and
'Whatever you did to the least of my brothers you did also to me' ... What good is it if the
Eucharistic table is overloaded with golden chalices, when he is dying of hunger? Start by
satisfying his hunger, and then with what is left you may adorn the altar as well". (116) These
words effectively remind the Christian community of the duty to make the Eucharist the place
where fraternity becomes practical solidarity, where the last are the first in the minds and
attentions of the brethren, where Christ himself — through the generous gifts from the rich to the
very poor — may somehow prolong in time the miracle of the multiplication of the loaves. (117)
72. The Eucharist is an event and program of true brotherhood. From the Sunday Mass there
flows a tide of charity destined to spread into the whole life of the faithful, beginning by
inspiring the very way in which they live the rest of Sunday.
45
If Sunday is a day of joy, Christians should declare by their actual behavior that we cannot be
happy "on our own". They look around to find people who may need their help. It may be that in
their neighborhood or among those they know there are sick people, elderly people, children or
immigrants who precisely on Sundays feel more keenly their isolation, needs and suffering. It is
true that commitment to these people cannot be restricted to occasional Sunday gestures. But
presuming a wider sense of commitment, why not make the Lord's Day a more intense time of
sharing, encouraging all the inventiveness of which Christian charity is capable? Inviting to a
meal people who are alone, visiting the sick, providing food for needy families, spending a few
hours in voluntary work and acts of solidarity: these would certainly be ways of bringing into
people's lives the love of Christ received at the Eucharistic table.
73. Lived in this way, not only the Sunday Eucharist but the whole of Sunday becomes a great
school of charity, justice and peace. The presence of the Risen Lord in the midst of his people
becomes an undertaking of solidarity, a compelling force for inner renewal, an inspiration to
change the structures of sin in which individuals, communities and at times entire peoples are
entangled. Far from being an escape, the Christian Sunday is a "prophecy" inscribed on time
itself, a prophecy obliging the faithful to follow in the footsteps of the One who came "to preach
good news to the poor, to proclaim release to captives and new sight to the blind, to set at liberty
those who are oppressed, and to proclaim the acceptable year of the Lord" (Lk 4:18-19). In the
Sunday commemoration of Easter, believers learn from Christ, and remembering his promise: "I
leave you peace, my peace I give you" (Jn 14:27), they become in their turn builders of peace.
CHAPTER V
DIES DIERUM
Sunday: the Primordial Feast, Revealing the Meaning of Time
Christ the Alpha and Omega of time
74. "In Christianity time has a fundamental importance. Within the dimension of time the world
was created; within it the history of salvation unfolds, finding its culmination in the 'fullness of
time' of the Incarnation, and its goal in the glorious return of the Son of God at the end of time.
In Jesus Christ, the Word made flesh, time becomes a dimension of God, who is himself
eternal". (118) In the light of the New Testament, the years of Christ's earthly life truly constitute
the centre of time; this centre reaches its apex in the Resurrection. It is true that Jesus is God
made man from the very moment of his conception in the womb of the Blessed Virgin, but only
in the Resurrection is his humanity wholly transfigured and glorified, thus revealing the fullness
of his divine identity and glory. In his speech in the synagogue at Antioch in Pisidia (cf. Acts
13:33), Paul applies the words of Psalm 2 to the Resurrection of Christ: "You are my Son, this
day I have begotten you" (v. 7). It is precisely for this reason that, in celebrating the Easter Vigil,
the Church acclaims the Risen Christ as "the Beginning and End, the Alpha and Omega". These
are the words spoken by the celebrant as he prepares the Paschal candle, which bears the number
of the current year. These words clearly attest that "Christ is the Lord of time; he is its beginning
and its end; every year, every day and every moment are embraced by his Incarnation and
Resurrection, and thus become part of the 'fullness of time'". (119)
75. Since Sunday is the weekly Easter, recalling and making present the day upon which Christ
rose from the dead, it is also the day which reveals the meaning of time. It has nothing in
common with the cosmic cycles according to which natural religion and human culture tend to
impose a structure on time, succumbing perhaps to the myth of eternal return. The Christian
Sunday is wholly other! Springing from the Resurrection, it cuts through human time, the
months, the years, the centuries, like a directional arrow which points them towards their target:
Christ's Second Coming. Sunday foreshadows the last day, the day of the Parousia, which in a
way is already anticipated by Christ's glory in the event of the Resurrection.
To be continued...
46
NICENE CREED (ILOKANO)
Mamatiak iti maymaysa a Dios,

Ama a mannakabalin amin,
A namarsua iti langit ken daga,
Ken kadagiti amin a makita ken di makita.
Ken iti maymaysa nga Apo,

a ni Jesucristo, Bugbugtong nga Anak ti Dios,
Nagtaud iti Ama iti sakbay ti amin a tiempo.
Dios a nagtaud iti Dios,

Silaw a nagtaud iti Silaw,
Napaypayso a Dios a nagtaud iti napaypayso a Dios.
Nayannak, saan a naparsua
Dios a kas met laeng iti Ama,
Ket gapu Kenkuana naaramid dagiti amin nga adda.
Gapu kadatayo a tattao,
Ken gapu iti pannakai-salakantayo,
Immulog a naggapu’t sadi langit.
All bow at the following words to Ket nagbalin a tao.
Ket nangala iti bagina

Iti tian ni Virjen Maria
Iti pannakabalin ti Espiritu Santo
Ket nagbalin a tao.
Kasta met a nailansa iti crus gapu kadatayo,
Idi panagturay ni Poncio Pilato,
Nagtutuok ket naitanem.
Nagungar iti maikatlo nga aldaw
Kas palawagen dagiti Nasantoan a Surat.
Immuli sadi langit
Ket situtugaw iti makannawan ti Ama.
Umayto manen a sidadayag,
Tapno okumenna dagiti sibibiag ken dagiti natay.
Ket ti pagarianna dinto agpatingga.
Mamatiak met iti Espiritu Santo

Nga Apo ken mangmangted iti biag;
Isu agtaud iti Ama ken iti Anak,
Ket pagrukbaban ken daydayawen
A maitimpuyog iti Ama ken iti Anak,
Ket nagsao babaen dagiti profeta.
Mamatiak met iti Iglesia a maymaysa,

Santa Catolica ken Apostolica.
Ipaduyakyakko ti maymaysa a bunyag
A pakapakawanan dagiti basbasol,
Namnamaek ti panagungar dagiti natay,
Ken ti panagbiag iti lubong a masakbayan. Amen.
47
KARARAG MAIPANGGEP KADAGITI DATON

(Dagitoy a kararag ket para laeng iti Padi no adda Misa)
UMUNA A DOMINGO TI ADVIENTO

(Deciembre 3, 2023)
Awatem kad, Apo, dagitoy daton nga inalami kadagiti imparabormo met laeng kadakami,
ket iruknoymi ida Kenka. Ipaaymo kadi ta ti panagserbimi Kenka ditoy a biag, agbalin a
pakagun-odanmi iti gungona ti agnanayon a pannakai-salakan. Gapu ken Cristo nga Apomi.
Amen.
MAIKADDUA A DOMINGO TI ADVIENTO
(Deciembre 10, 2023)
Maep-ep koma ta pungtotmo, O Apo, babaen dagitoy a daton ken napakurang a
karkararagmi; ket nupay saan nga umdas ti bileg dagiti kaikarrianmi, saranayennakam koma
babaen ti pannalaknib ta kaasim. Gapu ken Cristo nga Apomi. Amen.
MAIKATLO A DOMINGO TI ADVIENTO
Dawatenmi, Apo ta maidaton koma a kankanayon Kenka ti sacrificio ti napasnek a
panagserbimi; ket iti panangtungpalmi iti insungsungmo a misterio, ibungana koma kadakami ti
panangi-salakanmo. Gapu ken Cristo nga Apomi. Amen.
MAIKAPAT A DOMINGO TI ADVIENTO
Ipaaymo kad, Apo, ta ti Espiritu Santo, a nangpunno iti tian ni Nainggasatan a Virjen
Maria, babaen ti pannakabalinna, kasta koma met a pasantoenna dagitoy daton nga iruknoymi iti
rabaw ti altarmo. Gapu ken Cristo nga Apomi. Amen.
SOLEMNIDAD TI PANNAKAYANAK TI APO Rambak iti Rabii
Sapay koma, Apo, ta makaay-ayo ita Dayagmo daytoy sagutmi, ita nga aldaw a
panagfiestam; iti kasta gapu iti pannakisinnagotmi Kenka, pagbalinennakami a mayasping ken
Apo Jesus, Isu a nangikallaysa iti kinataomi ita kinadiosmo. Gapu ken Cristo nga Apomi. Amen.
SOLEMNIDAD TI PANNAKAYANAK TI APO Rambak iti Aldaw
Makaay-ayo koma Kenka, Apo, ti panag-sacrificiomi iti daytoy a fiesta, isu a
panggapuam a makikappia kadakami, ken isu pay ti mangipaay iti napalongduan a panag-
daydayawmi ita Dayagmo. Gapu ken Cristo nga Apomi. Amen.
FIESTA TI NASANTOAN A FAMILIA
Idatonmi Kenka, Apo, ti sacrificio a pagsupapakmi kadagiti basbasolmi, ket dawatenmi
ta babaen ti panangibabaet ti Virjen nga Ina ti Dios, ken ni pay met Apo San Jose, ibuangaymo
kad a silalagda dagiti familiami, iti sidong ti ayatmo ken kappiam. Gapu ken Cristo nga Apomi.
Amen
48

Sangkagimongan - December

Hochgeladen von

Dokumentinformationen

Originaltitel

Copyright

Verfügbare Formate

Dieses Dokument teilen

Dokument teilen oder einbetten

Freigabeoptionen

Stufen Sie dieses Dokument als nützlich ein?

Sind diese Inhalte unangemessen?

Copyright:

Verfügbare Formate

Sangkagimongan - December

Hochgeladen von

Copyright:

Verfügbare Formate

#####################################################################################

Solemnidad ti Pannakaiyanak ti Apo (Rambak iti Rabii)

Solemnidad ti Pannakayanak ti Apo (Rambak iti Aldaw)

M: Tapno maikaritayo a makiranud iti daytoy a sangkagimongan a panaglualo bigbigentayo

M: Sika nga immay tapno ayabam dagiti managbasol: Cristo, kaasiannakami…

M: Sika a situtugaw iti makannawan ti Ama tapno ibabaetnakami: Apo, kaasiannakami…

SALMO RESPONSORIO: Sal 80: 1-2, 14-15, 17-18

Sungbat: ISUBLINAKAMI KADI, O DIOS. IPAAYMO TI AYATMO KADAKAMI KET

2. Kaasiannakami, O Mannakabalin-amin a Dios. Tannawagannakami manipud langit ket

3. Ngem salaknibam dagiti tattao a pinilim, aywanam ti nasion a pinapigsam. Biagennakami

MAIKADUA A MAIBASA: 1 Corinto 1:3-9

Panawen ti Adviento! Umuna a Domingo iti baro a kalendaryoKatoliko. Ti Adviento ket

Ipalagip manen kadatayo daytoy panawen ti Adviento iti intay panagsagsagana ta

PANANGIPADUYAKYAK TI PAMATI (Nicene Creed)

MAMATIAK ITI MAYMAYSA A DIOS…

UMAYKA APO, KET ISPALENNAKAMI.

1. Apo, pabaknangem ti Simbaanmo ti naan-anay a kaasi ken ayat, tapno

III. RITO TI NASANTOAN A KOMUNION

KARARAG TI PANAGDAYAW KEN PANAGYAMAN:

SALMO 136: 21-26

2. Dinatay nalipatan idi naparmektayo; ket inispalnatayo kadagiti kabusortayo;

3. Ikkanna iti kanen ti amin a pinarsuana; agyamankayo iti Dios ti langit;

Makikaysakami kenni Francisco a Santo Papami, ni N. a Obispomi, ni N. a Kura

Kumararagtayo iti Amatayo babaen ti balikas ni Jesus nga Anakna.

PANANGIYAWIS TI KOMUNION: (no adda)

KARARAG KALPASAN TI KOMUNION:

IV. PANANGIDATON KADAGITI SAGUT KEN PANAGCOLEKTA

“Liwliwaenyo dagiti tattaok,” kuna ti Diosyo. “Wen, liwliwaenyo ida”. Paregtaenyo

MAIKADUA A MAIBASA: 2 Pedro 3:8-14

Agbasa: Daytoy a maibasa naadaw iti maikadua a surat ni San Pedro

EBANGHELIO Marcos 1:1-8

Kabsat, nangrugi ka kadin nga nagsagana? Wenno, nakasagana ka kadin? Kasano ti

M: Iti daytoy a panglualotayo, impalagip ni Jesus ti kinamanangngaasi ken kinamatalekna

M: Nalpasen ti sangkagimongan a panaglualotayo, intayon iti kappia ti Apo.

G: Agyamantay iti Dios.

Tema: PALINTEGENYO TI DALAN A PAGNAAN TI APO!

ALLELUIA (Is 1:1; Luc 4:18)

Alleluia! Alleluia! Adda kaniak ti espiritu ni Apo Dios

EBANGHELIO: Juan 1:6-9, 19-28

Ti tema tayo iti daytoy maikatlo a Domingo ti Adviento kakabsat ket

PANANGIPADUYAKYAK TI PAMMATI (Nicene Creed)

AGSAGANATAYO ITI YAAY NI CRISTO.

PAKAUNA ITI AMAMI

M: Kumararagtayo iti Dios nga Amatayo kas insuro ni Apotayo a Jesucristo.

M: Ipaaytayo ti kappia iti maysa ken maysa.

(Saan a maikanta wenno maikararag ti “Kordero” gapu ta awan ti panakapisi-pisi ti bagi ni

PANANGIYAWIS TI KOMUNION: (no adda)

APO, DIAK MAIKARI NGA UMAYKA KANIAK . . .

KARARAG KALPASAN TI KOMUNION:

IV. PANANGIDATON KADAGITI SAGOT KEN PANAGCOLEKTA

V. RITO TI PANANGGIBUS PAMENDISION:

G: Agyamantay iti Dios.

EBANGHELIO: Lucas 1:26-38

Malagipmo ni kabagiam nga Elisabet a kunkunada a lupes? Masikogen nupay baket

PANANGIPADUYAKYAK TI PAMMATI (Nicene Creed)

M: Amami a nailangitan, sapay koma ta ti inkam panangrambak ti itatao ken pannakaiyanak ti

III. RITO TI NASANTOAN A KOMUNION

KARARAG TI PANAGDAYAW KEN PANAGYAMAN

M: Kumararagtayo iti Amatayo sadi langit babaen ti insuro ni Jesus kadatayo.

M: Ipaaytayo ti kappia iti maysa ken maysa.

(Saan a maikanta wenno maikararag ti “Kordero” gapu ta awan ti panakapisi-pisi ti bagi ni

PANANGIYAWIS TI KOMUNION: (no adda)

M: Daytoy ni Apotayo a Jesus, ti Kordero ti Dios a mangikkat kadagiti basasol ti lubong.