*SYAIR BARAQATUL ILMI*

‫بسم هللا الرحمن الرحيم‬

‫َالَّلُهَّم اْس ُت ْر َع ْي َب ُم َع ِّلِمي َع ّن ا َو اَل ُتْذ ِهْب َبَر َك َة ِع ْلِمِه ِم ّن ا‬
‫الَّلُهَّم اْغ ِفْر ِلنا زنوبنا َو ِلَو اِلَد ّىينا َو اْر َح ْم ُهَم ا َك َم ا َر َّبَي ا َص ِغْيرا‬
‫ُم ْغ َر ْم … َقْلِبْي ِبُحَّبْك ُم ْغ َر ْم‬
‫َي ا ُمْص َط َفاَن ا اْلُم َك َّر ْم‬
‫َي ا َر ُسْو َل هللا‬

Neu brie ya allah kamoe meu lindong

kamoe neu tulong segala peukara
Dosa yang sisa Beu neu peu ampon
Neu brie bek tutong apui nuraka,

Doa keu poma doa keu ayah,

Rezki Beu mudah Beu jioh balaa,
Allah brie sehat Beu tetap iman,
Sajan janjungan dalam syiruga.

Doa keu gure Beu neu peusampoe,

yang peuturi droe toeh ayah poma,
Mohon allah top aeb di gure,
Supaya ilme kamoe teu jaga,

Allah brie taufiq dengan hidayah,

Neubri Beu berkah ilme gure bie,
Beu ek kamoe duek lam tanoh dayah
Neubri beu lepah u tanoh suci

Doa keu kamoe yang manteng cut cuut

Dalam menuntut pujo rabbana,
Neu brie ya allah Beu jeut kamoe beut,
beu get i’tikeut allah y esaa,

Neu brie Beu meuphom ileme fiqah,

Beu sah ibadah Beu ampon desya,
Oh teuka masa tawoe bak allah,
amal ibadah Beu na lam dada,

Ilme tasauf jeut keu amalan,

Lam seharian akhlak teu jaga,
Tuboh ngen hate Beu ingat Tuhan,
lidah pikiran kalimah dua..

*Cipt : TGK ZULKIFLI MN*