BUUK TEKS TINGKATAN 1 SISINDIRON BOLIKAN: 20 KALANSANAN DI ODU AKI

Osorou ku timpu nakatalib Pinointutun oku nogi do sikul Tadau koiso nosontob noronok Jamius kada korosi, ogumu tambalut Osontol yodu monginsasamod Pinalansan oku di odu yaki Atangkangau monikid timpu Mogihum kosuusukupan Popoimogot koposion paganakan Wulan kumoiso minsingubas sumikul Misowoli Yodu om Yaki mangangkawot doho Au olutasan do susuyan Kohiok monginiba tindalanon Di hopod no toun umul ku Natagakan om nogonitan ginawo ku Yaki koupusan natalup id winoun Nobusou bato noindamaan monigup Ilagon monigup pason di dokutul Yodu osongulunan miampai binuru-buru dau Turos nokungkum karatas Tinimbuku nokopurak mogingkokoro Sumout pongingintong Kakal ogoris monongsukud kowiton Ika koupusan ku gisom opupus timpu

Rebecca 2006

SINDING Bolikan 40 KONIHAB AMU NODI GUMULI Linundus dilo Kinabalu Rinusod di odu aki tokou Nulu do kointutunan Pogun Sabah Linundus nu daa oi yumandak Nga natagakan ko do piginawan Amu ko no di kointutun do tobpinai Chorus: Iti no koihadan ginawo yaa Konihab amu nodi gumuli po Baino di gumu tulun kaya Kosorong ngawi lamin diolo Amu nodi ataman moi ambalut. Baino di gumu tanak tuan Amu nodi moboros kadazandusun Amu nodi ngawi mangakan do lomiding (Suguton Chorus) Linundus dilo gumpai talun Pintoliban do sakag wagu Louson ka om au kotutun do taakanon Linubuk do tana pusaka Nosolod no di do wokon Ouyung nodi minnulu tulun tokou (Suguton chorus) Sinapou da do bansa tokou Nung sopirati misompuru Sasanang do mingkakat om sumuni (Suguton Chorus 2x)

SISINDIRON Bolikan 52 POGUN NIRIOHONON KU Ningkokoton oku do nulu takawas id Malaysia Ii kosunggu do tawan Tinayadan oku do konuluhan om kaganaan ]ii susungkadan do buluntong Rinondon oku do binuru-buru om tusak di mogisuusuai kawo Ii kagayat om koimayaan tinaru suai Nopiampaping oku do rahat tagayo om aralom Ii kisaring do nagas okolong Nosorilian oku do polumpung Ii nionon do kasadaan om suusumuni id rahat Nionon oku do mamasok di mogisuusuai tinaru Ii kikoubasanan do pongitanan kumaa tulun suai Nimpuunon om ningkokoton do tinaru Kadazandusun Ii nointutunan pointongkop winoun Pogun Sabah pogun koupusan Kinolumison om kinawantangan nu Pagandasan om karayahan dahai Gompio tokou pogun tomposio tokou kointutunan Sinuat di Fay Ennoi M. Shapi Kg. Bundu Tuhan, Ranau

HIIS Bolikan 65 SURINDING SUSUMANGOD DI NOKOPINSIN JASAMU DIKENANG 1995 Naazu id Hotel Perkasa, Keningau Tulu abaabayan di toomis Katapi opoit id ginawo Di nokopinsin Sabap sompurok routi Om sanggalas kupi di pointamis Titungkap montok dahai I pinopolubuk kiniopon Montok pogun diti Montok tinaru diti Montok ugama diti Rikotai kalaso tapui pigogutan Om kotulud no porogom topurak Pinobibas id tawan tobulou.

(Binson A. Sabiah 1995 Keningau)

BUUK TEKS TINGKATAN 2 SINDING Bolikan 9 Bosou Tuhau Lomiding Takadon ku nuluhon Mongoi pokilomiding Ompuson ku rumuhuk Sumondot id palu-palu Id doros do toriwad Sinuni dilo tuhau Ilo no tonuon ku Pomorolot ku do bosou Chorus: Isai gia au koilo Mangakan bosou tuhau Isai gia au kotutun Rapaon do lomiding Iti no koubasanan Akanon tulun tokou Yoku nogi songulun Mangakan tuhau lomiding Suguto Chorus 2x Sinupu om sininding di; George Lian

SUDAWIL Bolikan 42 Sudawil Ponontudukan Tahambayo ku bolobou, Hilo id disan do ralan Tanak nopo di abagos Ogumu nindopuan Pomonsoi oku turiding Pangampot ku suminding Olohing nopo molohing Tangaanak no mintamong Tataso ku ilo poring Wonsoyon ku do togunggu Kada olingai molohing Olumaag koposion nu Mongkud-tongkud i yodu Kisukud do mamanau Kagayo ko nopo ondu Ika no sondihon ku

S.Rozie Gitang

SISINDIRON Bolikan 57 Talun, Romou ku Babang tadau baino Poinsurop no Noyuban do lisun Notiliban do lisohu Kopusok pinuhubo Kopuriman bolintuongon Aiso nodi Tonsul do wodik Kulakok do bosing Tombolog sontulud-tulud Aiso nodii Sada sangkau-kaau Nangapatai nodii Nasaladan, natagakan, nahawan Koposion NOKURO! NOKURO! NOKURO? Opudakan poimpasi Talun nosili do watu Norilitan wakau kinoburuon Santangkus-tangkus moninganu sandad Magak-tagak nodii Tionon suang talun BAINO Talun, romou ku Koihadan ku Kalangadan ku Koupusan ku aiso nodii Om koruol nogi Nosulian nodi koposion diti Kinorumbakon do sandad talun (Adriana Grace 2007)

TAALA-ALA Bolikan 94 TAALA-ALA POMOLINGO-LINGO Uwa di bantang di badoi Oulud di boros tumboyo o Ada intong di tabadoi Amu i ponunumboyo Turu poi tunturu ku dii Narampot naawi ku sinsing Iso po i amu narampot Inturu ku poluhungai Mokik-lokik poi lo kondiu Do hilod kohung do tawan Tigog kangku soru pandai Palapa pandai mongigol Turu tumpung-tumpung Simpayawan-simpayawan Isai ko tumpung dia Tu anak ko palagawan Alo tampasak id nulu Poginorian tumibas Tibaso ku pogi yoho Mogombura giniab Alo liwogu id nulu Poginorian tumolop Tolopo ku pogi yoho Kolungkudan kurondom

Sada ku id Kadamayan Narambot ku mangansau Sangkadadalan ku toku Tukad ku komontirian Tonomo ku iti layo Id guas do tuod-tuod Tanak ku do sarayo Amu i ponoluod

Sinupu di: Inan Been Takun

TAALA-ALA Bolikan 114 Timpak oku tuod-tuod Koimpa ku mogitatabang Otutunan ku i tadi ku Kitimbok do rugading Oi ombolog oi ombolog Kada sako tindai dahai Sumako tindai wokon Tu kiraan do pintodon Posilingo ku binulandai Hilo soribau do taap Ia gulu tumimpuun Nosoibahan tia i Irit-irit ka dilo pirit Hilo tuntu do kadau Kada i bo irit-irit Miagal i taadau

TAALA-ALA Kotuo ku roun parai Kotuo ku pirompoko Isai toi korompok dia Tanak ko mononomparai Tipuo ku gapu-gapu Tipuo ku porompoko Isai toi korompok dia Tanak ko mongingindapu

SISINDIRON Bolikan 131 POINMBAYATAN DO TELEVISON Kaa di Televison. Ooo ka di momoguno Kaa di Televison. Iti nosusu kawawagu Kolombon tinan do tanak, Kopogoris do toilaan, Kagaras miagal do tambadau, Kabaal miagal do professor Ponginum no do susu tin saap barambang. Korongou nopo kaa di televison nga; Mada di poposusu tanak di tinan. Au di papaakan do tinodsok do kasou Mada di monguhup molohing id lamin Au di aparagat minguyat tinan.

Kagayo nopo i tanak tumanud Kaa di televison nga: Sumaap molohing tu nokososop gatas sapi Nadadi tanak video game tu noontok lotirik. Aiso kotumbayaan tu tanak do saintifik Aragkig tu nabangat do pomuroso opoto Ii no tudut do television Isai di sosolon nu? Onu po kawagu? Kaa di television om Ooo ka di momomoguno. Onu po kawagu? Momuondom po laid om pillion nogi. Iti no pason do televison di kapanahak do kounalan kumaa dotokou do baino om timpu dumontol. (Mark Greatingan 2006) BUUK TEKS TINGKATAN 3 HIIS TULAN TOGOGO Hodi tulan togogo mamampang do wayaan amu nopo kapampang maya id solundikai di gai gai-gai pupurai pupurau mandahasi mandahasi godingai godingai turu walu turu walu modsopo po po tamalang tamalang toburindai toburindai naakan naakan sorikuntu sorikuntu di agas agas ka nogkopio mogkopio sudopito

sudopito marapid marapid tunduk kalik tunduk kalik solindung solindung kili-kili kili-kili di ampaka ampaka lilisangon lilisangon di guyang guyang ka do au milo Pinolombus di; Kotiam Gadot

Hiis Bolikan 81 Woyo Sinakagon Ibok oku id dumo Kibinabo takano Kokoriu do mitabang Momilangga do ralan. Koposion do baino Toririmo pantango Miiso id ginawo Miiso topurimanan. Toinsanan igitai tontob Dumimpot iman-imanon Piunungo ginawo Monoina do santob. Sakag wagu posik no

Tomposio angkab Orikot no rikoton Pogun nu ounsikou.

TUDODOI Bolikan 100 Tudodoi Pogun Ku Tudodoi Karayahan om kapantangan Kumaa do minamangun Pogun ku osimbayan Miiso om misompuru. Tudodoi Ogingo om olumaag Natampasi id posorili Kagayat tutumombului Rumikot do modtuongis. Tudodoi Pogun ku nokoburu Nokotopong pogun suai Nokodimpot tompok winoun

Nokorikot id koindaangan. Tudodoi Piiso tokou ginawo pisompuruo koposion momodimpot do angkab pogun ku tabantug.

Sudawil Ponontudukan Bolikan 132 Roun sansayau-sayau, okito do rumamboi, kolumison kararayou, sontob tutumombului. Suang talun tamangan, tinungkusan pinasandad, tomposion tinungkusan, angkab nga poinwalad. Timungo rinamasan, orumbang kokitanan, sompuru sunduan, osindak posorili. Kotuo ku lomiding, rapaon kalangadan, paganakan suminding,

tinungkusan igitan.

SISINDIRON Bolikan 152 Ogingo kokitanan nu Olumis pomusarahan Id nuluhon pointomou Id rahat kotogisan poinwalad Rumamit korikatan ku Sumuau ngingis tutumombului. Id talun kakal tomposio Susumuni om tayam tunduundu nu Tadon do pongilaan Tinungkusan sandad. Konihab, baino om suab Pogun ku kalangadan ku Kanou potungkuso Kanou tomposio Kanou upuso Toriirimo toluodo

Kogingohon diti Montok koposion tokou toinsanan.

SINDING Bolikan 179 Rati Piisaan Kanou misompuru Miigit longon tiso om tiso Mamagampot sontob kalaja tongosonong Mingkakat, agaras om apantang. Lihuai pigogutan Uludo laang do mumang buru Kanou misokodung, miulud om miiso Lilimut iri no sangod tokou. Korus: Tulido ralan, yadaai koimbayatan Giroto migit katatapan Tongkiadai ngawi ii tangaraat Iti no rati di piisaan.

Isoo tokou ralan Mooi kaanu koposion tolidang ** Kasasari aanu sontob gompoton Do mantad piuludan om piisaan. Suguto korus** Loyou dii: John Jinuli

SISINDIRON Bolikan 190 Momoomoguno Toporokis Inonongo Nonggo koonuan Kakamot gunoon tokou Kouhupan id koposion. Migusa mogihum toilaan Kaanu momili korohian Oporokis momoomoguno Popolombus komi kokomoi koposion. Pomusarahai tokou Koumatan tinahak Toluodo, gunoo kosoosonong. Nunu binoli Imurio kouyuuyuo dau

Kada korosiai Mokiolon nung naraag. Mogiigion Iloo ponontudukan kopomogunaan Osonong no koposion tokou Kada olingai nogi Tamangai toriirimo Posorili di olidang Aadang om otoronong Koposion tikid tadau.