1.

K’o jun q’iij i Sil xutzijoj che i Ro’s,

K’o jun q’iij i Sil xutzijoj che i Ro’s,
xinyijb´a much´ub´am,
xinlik’ ri q’oor chwa ri ka’
xinkoj kinaq’ jok’oom che
cha’ qus kelik.

Xinya’ cha aq´

cha kachaq´ajiik,
echiri’ kab´akb´otik
xinjok´ jutz´i’t iik
pacha´ kajamamik
yey xintzak pix cha´ qus katijik,
ruma ne la’ xuk’u’t kan ri wati’ chwe.

2.
We katiik jun chee’
K’o uk’iyal k’asleem
Yey xajela’ katiik choom na’oj.

Kachajix ri chuu aloom

Pacha’ kamiq’ ta ruwachulew.

Echiri’ kaporox ri k’ache’laj

Ku’an ch’ul che ri tew re uxlab’ib’al.

Ruma ne la’ kachajix ri chuu aloom

Ma e kuya’ k’aslemaal
Yey e loq’oxik chomal kaya’ kan che ri alk’o’al.

3.
Che ri jun Komoon jun ixoq xuriq jun ak’
Che ri jun Komoon jun ixoq xuriq jun ak’
Xuk’amb’i chwa rochoo
Pacha’ k’o rachib’il rutereen.

K’o jun q’iij ri ak’ xsik’inik

K’o jun q’iij ri ak’ xsik’inik
kokorokokoko kokorokokoko
jela’ ku’an ri ak’ pa koral
kokorokokoko kokorokokoko
jela’ ku’an ri ak’ pa koral.
Kajumum ri ixoq xel uloq pa rochoo
ma echire’ na awaj xuk’am ub’i
ma uk’iyal awaj kakitij ak’.

xurila’ pa ri koral
ma ri ak’ kasik’inik yey ku’an
kokorokokoko kokorokokoko
pacha’ ri ixoq kuk’ol ri saqmolob’
kokorokokoko kokorokokoko
pacha’ ri ixoq kuk’ol ri saqmolob’