B’IX RECH IXIM ULEW

 QONOJEL
!Ri ixim ulew tinamit kaki’kotik!
Maj k’u jun kab’anow k’ax chawe;
Maj k’u jun qawinaq kuriq k’axkolil
Maj k’u jun kachub’an chapalaj
Xatane’ kupaqab’a’ ri urapinik
K’a chikaj choch kuntur ruk’ ri uxik
Pa ri uxik’ kuwartisaj k’a chila’ chikaj

We k’u chwe’q ri loq’olaj awulew Ri ab’i’ jun jelik ixim ulew

E k’o winaq kakaj kaka’n k’ax che,
Kalik’o’p k’a chikaj ri awetal atz’yaq
Ke’asik’ij ri awalk’wal che ato’ik.

 QONOJEL

Kalik’o’p k’a chikaj ri awetal atz’yaq

Ke’asik’ij ri awalk’wal che ato’ik
Rumal uk’anal le Tinamit
Nab’e kekam na choch katk’ik’ayij.

Rumal ri q’el kowilaj jat’ib’al awe

Xchakux ri b’anb’al tajib’al ri ulew
Ruk’ ri aq’ab’ katajix ri ch’uch’uj ulew
xuquje’ ri t’ist’ik ch’ich’ tob’al awe

Ri ojer taq winaq e k’amal taq b’e

Ruk’ ronojel kanima’ xat kich’ajij
Maj k’u jun winaq xkamik che ri
ach’akik Xatkiya’ pa utzalaj k’olib’al.

 QONOJEL

Maj k’u jun winaq xkamik che

ri  ach’akik Xatkiya’ pa utzalaj k’olib’al
Xa’ rumal kichuq’ab’ ri nima’q winaq.
Ri xkiya’ uk’aslemal kirayib’al.

Ri atz’yaq awetal je’ kaka’y uwo kaj

Ri usaqil ri awetal je’ kape sutz’
¡Toq’ob’ kiwach ri e ti’k taq winaq,
We kakaj kakitz’ilob’isaj uwach!

Ri awalk’wal ri k’o sib’alaj kichuq’ab’

Kakaj ri ja’maril chaqaxo’l
We rajawaxik qonojel katqach’ojij na
Che uto’ik ri qachoch ruk’ ri qulew.

 QONOJEL

We rajawaxik qonojel katqach’ojij na

Che uto’ik ri qachoch ruk’ ri qulew,
Ri qarayinik are ri utzil ruk’ ja’maril
Ri muqb’al Tinamit kimuqb’al.

Le aninaq cho ri nima’q taq juyub’

Chikixo’l ri keb’ nima’q taq plo
At k’o chuxe’ ri rax je’lalaj uxik’
Katwartzaj jun je’l alaj q’uq’.

Ri je’lik ri jun q’uq’ k’o pa ri awetal

Katukol na cho ri b’anal k’ax
Xa ta ne’ kupaqab’a’ ri urapinik
K’a chikaj choch kuntur ruk’ ri uxik.