B’IX RECH IXIM ULEW

!Ri ixim ulew Tinamit kki’kotik!

Maj k’o jun kb’anow k’ax chawe;
Maj k’o jun qawinaq kuriq k’axkolil
Maj k’o jun ta b’anal katchub’an.

We k’u chwe’q ri loq’olaj awulew

E k’o winaq kkaj kka’n k’ax che,
Kalik’o’p k’a chikaj ri awetal atz’yaq
Che’asik’ij ri awalk’wal che ato’ik.

QONOJEL

Kalik’o’p k’a chikaj ri awetal atz’yaq

Che’asik’ij ri awalk’wal che ato’ik
Rumal ri uk’anil le Tinamit
Nab’e kekam na choch kkik’ayij kib’.

Rumal ri q’el kowilaj jat’ib’al awe

Xchakux ri b’anb’al jatib’al ri ulew
Ruk’ ri aq’ab’ ktajix ri uk’u’x ulew
Chuquje’ ri t’ist’ik ch’ich’ tob’al awe

Ri ojer taq winaq e k’amal taq b’e

Ruk’ ronojel kanima’ xatkich’ajij
Maj k’o jun winaq xkamik che ri ach’ajij
Xatkiya’ pa utzalaj k’olib’al.

QONOJEL

Maj k’o jun winaq xkamik che ri achajij

Xatkiya’ pa utzalaj k’olib’al
Xa’ rumal kichuq’ab’ ri nima’q winaq.
Ri xkiya’ uk’aslemal kirayib’al.

Ri atz’yaq awetal je’ kka’y uwo kaj

Ri usaqil ri awetal je’ kape sutz’
¡Toq’ob’ kiwach ri e ti’taq winaq,
we kkaj kkitz’ilob’isaj awach!

Ri awalk’wal ri k’o sib’alaj kichuq’ab’

 Kkaj ri ja’maril chaqaxo’l
We rajawaxik qonojel katqach’ajij na
Che uto’ik ri qachoch ruk’ ri qulew.

QONOJEL

We rajawaxik qonojel katqach’ajij na

Che uto’ik ri qachoch ri qulew,
Ri urayinik are ri utzil ruk’ ja’maril
Ri muqb’al Tinamit kimuqb’al.

Le aninaq cho ri nima’q taq juyub’

Chikixo’l ri nima’q taq plo
At k’o chuxe’ ri rax je’lalaj uxik’
Katwartzaj jun je’lalaj q’uq’.

Ri je’lik ri jun q’uq’ k’o pa awetal

Katukol na cho ri b’anal k’ax
Xa ta ne’ kupaqab’a’ ri urapinik
K’a chikal choch kuntur ruk’ ri xik.

QONOJEL

Xa ta ne’ kupaqab’a’ ri urapinik

K’a chikaj choch kuntur ruk’ ri xik
Pa ri uxik’ kuwartisaj chila’ chikaj
Ri rapb’al jun je’lik ixim ulew