 U Jo Ten Ya’an Na’a Dinas Pendidikan, Enhov Kebudayaan Kot

Tua enhov ni ngaban mel balit kanimun.

 U jo La’ai Kepal Skol TK, SD, SMP, SMA Kanimun na’a Kot Tua Ni
Sasa’ai

 U Jo ma u blet Vuk, Nung Renang Yamang Gur Im Besa

 U Fangnan Angwaring Im Besa, im in be Im Dok na’a lekan dan i .

Ler i, Usut Enru, Vuan Buut Yait Rivun Ru Vut Ru i’ Ru, it besa it kai Ne,
Ler i VuanAr Pendidikan Nasional. it Besa it kai Ne, Yoat did Kakain utin it
Yoat Ilmu Skol-skol, Ntal TK Famehe Sarjan.

It Fangnanken did Teten La-lain, Hir Mat Nanloang Lavik it Na’a

Kakain. Fo it skol va bok-bok. Ma, did kakain Ensak Rat Famehe
Ntut Na’a Wahan Ne, Enhar Na’a Soen.

Vel Gur Enhov Koko Skol, hir kai ilmu kakain vangled, na’a dunyai haran i,
Fo Lan Taha Fo Bok. Ma, Ar Adir Taba Umat Lian, Fo Hir Kai Vuk, Afa
Kakain Bok-Bok Vuk.

U Jo Ten Ya’an, Renang Yamang Gur, Im Besa....

Na Leran Enru Vuan Buut i, It Besa It FangnanKen Ya’an Ten Er Mat-Mat

Na’a Skol, NafAdir Indonesia Raan, it Fangnanken Rir Kakain hir Na-Rak,
Ve it Fo Did Asimat.

Im Do Fo it Besa, it Ot Ler Enru Vuan Buut Fo Jad Kes Na’a it Besa. Fo

ilmu Kakain En Be It Besa Yoat-Rak, Na’a Skol-Kol Mel-Rav Ar Ne, Taba
La’ai Ve it Besa.........Batang Did Kakain I Ensu Wahaid.

U Jo Ten Ya’an, Renang Yamang Gur, Im Besa....

Ma... U Ras Won Rak he, Ma Tama’a Farivun, Ve im Besa. im in Be, im

Denar-Rak, Nung Ngarihi Yoan i, Ma... U Her Ve im Besa,
Fo it Taha Fo Vusin Manan ilmu Kakain. It Besa Yoat Rak, Na’a Skol-Kol
Fo Ti Ntut Na’a Wahan, Ne, Enhar Na’a Soen. Ne it Did Kakain, I Nak
Fo Jad Berkat Ve Umat Lian.

Tabe Hormat Ve im Besa. Ten Ya’an, Dis Tugas Skol-Kol Besa, Na’a Kot
Tua Kanimun.

WABILLAHI TAUFIK WAL HIDAYAH, Wassalamualaikum

Warahmatullahi Wabarakatuw, Tabe Hamar......Syalom.
 Assalamualaikum Warahmatullahi Wabarakatuw

 Tabe Hamar

 Utul, Ya’au Memang Jenia Queenry Fatbinan

 Utau Ya’au Ntal Skol SD Negri Enwut i’ Lim Kot Tua

 Ujo Ublet Vo utul Farmai Skol Ni Wun-Wan